അസംഗഡ്: ഉത്തര്‍പ്രദേശില്‍ ആശാരി പണിക്കാരനായ സല്‍മാന്‍ എന്നയാള്‍ തന്റെ നാനോ കാര്‍ ഹെലികോപ്റ്റര്‍ രൂപത്തിലാക്കി വാര്‍ത്തകളില്‍ ഇടംപടിച്ചു. റോഡിലൂടെ സഞ്ചരിക്കുകയും യാത്രക്കാര്‍ക്ക് വിമാന യാത്രാനുഭവം നല്‍കുകയും ചെയ്യുന്ന നാനോ ഹെലികോപ്റ്റര്‍ കാര്‍ നാലു മാസമെടുത്താണ് നിര്‍മിച്ചത്. മൂന്നു ലക്ഷത്തോളം രൂപയാണ് ഇതിന് ചെലവായത്.

വാഹനത്തില്‍ യാത്രചെയ്യാനും കാണാനും നിരവധി പേരാണ് എത്തുന്നതെന്ന് സല്‍മാന്‍ പറഞ്ഞു. ഹെലികോപ്റ്ററില്‍ പറക്കാന്‍ കഴിയാത്തവര്‍ക്ക് ഇതിലൂടെ ആ അനുഭവം ലഭിക്കും. സര്‍ക്കാരും കമ്പനികളും സഹായിച്ചാല്‍ വെള്ളത്തിലും വായുവിലും ഓടാന്‍ കഴിയുന്ന ഹെലികോപ്റ്ററുകള്‍ നിര്‍മിക്കാന്‍ കഴിയുമെന്നും സല്‍മാന്‍ കൂട്ടിച്ചേര്‍ത്തു.