ജെ.ഇ.ഇ (അഡ്വാന്‍സ്ഡ്) 2024: മെയ്ന്‍ പരീക്ഷ മെയ് 26 ന്; രജിസ്‌ട്രേഷനും, അപേക്ഷയുമായി ബന്ധപ്പെട്ട് കൂടുതലറിയാം

എഞ്ചിനീയറിങ്, ടെക്‌നോളജി മേഖലയിലെ ഇന്ത്യയിലെ തന്നെ ഏറ്റവും മികച്ച സ്ഥാപനങ്ങളാണ് ഐ.ഐ.ടികള്‍. പാലക്കാട്ടേതടക്കം രാജ്യത്തെ 23 ഐ.ഐ.ടികളിലേക്ക് പ്രവേശനം നേടുന്നതിനായി നടത്തുന്ന പൊതുപരീക്ഷയാണ് ജെ.ഇ.ഇ അഡ്വാന്‍സ്ഡ് (JEE- Advanced). ഐ.ഐ.ടികള്‍ക്ക് പുറമെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ്- ബെംഗളൂരു, തിരുവനന്തപുരത്തേതടക്കം 7 ഐസറുകള്‍, ഐ.ഐ.എസ്.ടി തിരുവനന്തപുരം, റായ്ബറേലിയിലെയും വിശാഖപട്ടണത്തെയും പെട്രോളിയം ഇന്‍സ്റ്റിറ്റ്യൂട്ടുകള്‍ എന്നിവയിലേക്കും ജെ.ഇ.ഇ സ്‌കോറുകള്‍ പരിഗണിക്കാറുണ്ട്. 2024 ലെ ജെ.ഇ.ഇ പരീക്ഷ മെയ് 26നാണ് നടത്തുക. മദ്രാസ് ഐ.ഐ.ടിക്കാണ് ഇത്തവണത്തെ പരീക്ഷാ ചുമതല.

ഓര്‍മിക്കേണ്ട തീയതികള്‍

ഓണ്‍ലൈന്‍ രജിസ്‌ട്രേഷന്‍: 2024 ഏപ്രില്‍ 24 മുതല്‍ ഏപ്രില്‍ 30 വരെ.

ഫീസടയ്ക്കല്‍: 2024 മേയ് 26 വരെ.

അഡ്മിറ്റ് കാര്‍ഡ് ഡൗണ്‍ലോഡ്: 2024 മേയ് 17 മുതല്‍ മേയ് 26 വരെ.

ഭിന്നശേഷിക്കാര്‍ സ്‌ക്രൈബിനെ തെരഞ്ഞെടുക്കല്‍: 2024 മേയ് 25 വരെ.

ജെ.ഇ.ഇ അഡ്വാന്‍സ്ഡ് പരീക്ഷ: 2024 മേയ് 26.

പരീക്ഷ സമയം: ഒന്നാം പേപ്പര്‍- രാവിലെ 9 മുതല്‍ 12 വരെ.
രണ്ടാം പേപ്പര്‍: ഉച്ചക്ക് 2.30 മുതല്‍ 5.30 വരെ.

വിദ്യാര്‍ഥികളുടെ ഉത്തരങ്ങളുടെ പകര്‍പ്പ് വെബ്‌സൈറ്റില്‍ നല്‍കുന്നത്: 2024 മേയ് 31.

താല്‍ക്കാലിക ആന്‍സര്‍ കീ വെബ്‌സൈറ്റില്‍ പ്രസിദ്ധീകരിക്കുന്നത്: 2024 ജൂണ്‍ 2.

ആന്‍സര്‍ കീ സംബന്ധിച്ച അഭിപ്രായങ്ങള്‍ അറിയിക്കുന്നത്: 2024 ജൂണ്‍ 2, 3.

ഫൈനല്‍ ആന്‍സര്‍ കീയും പരീക്ഷാ ഫലവും: 2024 ജൂണ്‍ 9.

ആര്‍കിടെക്ച്ചര്‍ അഭിരുചി പരീക്ഷക്കുള്ള (AAT) രജിസ്‌ട്രേഷന്‍: 2024 ജൂണ്‍ 9, 10.

ജോയിന്റ് സീറ്റ് അലൊക്കേഷന് തുടക്കം (JoSAA): 2024 ജൂണ്‍ 10.

ആര്‍കിടെക്ച്ചര്‍ അഭിരുചി പരീക്ഷ: 2024 ജൂണ്‍ 12ന്, സമയം: 9 മുതല്‍ 12 വരെ.

ആര്‍കിടെക്ച്ചര്‍ അഭിരുചി പരീക്ഷാഫലം: 2024 ജൂണ്‍ 15.

പ്രവേശനം ലഭിക്കാവുന്ന മുഖ്യ പ്രോഗ്രാമുകള്‍

ബി.ടെക്/ ബി.എസ്- 4 വര്‍ഷം

ബി.ആര്‍ക്- 5 വര്‍ഷം

ഡ്യുവല്‍ ബി.ടെക്- എം.ടെക്/ ഡ്യുവല്‍ ബി.എസ്- എം.എസ്- 5 വര്‍ഷം ( കോഴ്‌സ് പൂര്‍ത്തിയാക്കുമ്പോള്‍ ബാച്ചിലര്‍ ഡിഗ്രിയും മാസ്റ്റര്‍ ഡിഗ്രിയും കിട്ടും)

ഇന്റഗ്രേറ്റഡ് എം.ടെക്/ എം.എസ്.സി- 5 വര്‍ഷം.

ചില ഐ.ഐ.ടികളില്‍ ബി.ടെക് (ഓണേഴ്‌സ്)/ ബി.ടെക് വിത്ത് മൈനര്‍ നേടാവുന്ന രീതിയുമുണ്ട്.

മറ്റ് വിവരങ്ങള്‍

ജെ.ഇ.ഇ അഡ്വാന്‍സ്ഡില്‍ യോഗ്യത നേടിയവര്‍ക്ക് താല്‍പര്യമുണ്ടെങ്കില്‍ ആര്‍ക്കിടെക്ച്ചര്‍ അഭിരുചി പരീക്ഷ (AAT 2024) എഴുതാവുന്നതാണ്.

റാങ്കിങ് ജെ.ഇ.ഇ അഡ്വാന്‍സ്ഡ് സ്‌കോര്‍ നോക്കിയാണ്.

കൂടുതല്‍ വിവരങ്ങളു, വിജ്ഞാപനവും httsp://jeeadv.ac.in എന്ന സൈറ്റില്‍ വരുന്നതാണ്.

മദ്രാസ് ഐ.ഐ.ടിയുമായി ബന്ധപ്പെടാന്‍-

Organizing chairperson, JEE (Advanced) 2024, JEE office, IIT Madras, chennai- 600036. ഫോണ്‍: 044- 22578220. [email protected]