ഗസ്സ മുനമ്പിൽ നിന്നെത്തിയ ഫലസ്തീനികളെ സ്വീകരിച്ച് ഖത്തർ

ദോഹ: ഇസ്‌റാഈൽ അക്രമണങ്ങൾ തകർത്തുകളഞ്ഞ ഗസ്സ മുനമ്പിൽ നിന്ന് 20 ഫലസ്തീൻ പൗരന്മാരെ ഖത്തർ സുരക്ഷിതമായി ദോഹയിൽ എത്തിച്ചു. ഈജിപ്തിന്റെ സഹകരണത്തോടെയാണ് ഖത്തർ റസിഡൻസിയുള്ള ഇവർ ദോഹയിലെത്തിയത്. വിദേശകാര്യ മന്ത്രാലയത്തിലെ രാജ്യാന്തര സഹകരണ സഹമന്ത്രി ലുൽവ ബിൻത് റാഷിദ് അൽഖാദർ ഫലസ്തീൻ സംഘത്തെ സ്വീകരിച്ചു.

ഖത്തർ സായുധ സേനയുടെ വിമാനത്തിലാണ് 20 ഫലസ്തീനികളെ ദോഹയിലെത്തിച്ചത്. ഖത്തർ റസിഡൻസിയുള്ള ഫലസ്തീൻ പൗരന്മാരെ ദോഹയിലേക്ക് സുരക്ഷിതമായി എത്തിക്കാനുള്ള ശ്രമങ്ങൾ തുടരുമെന്ന് മന്ത്രാലയം വ്യക്തമാക്കി. ഗസ്സ മുനമ്പിലെ സിവിലിയൻമാരെ സംരക്ഷിക്കാനും പിന്തുണ നൽകാനുമുള്ള ഖത്തറിന്റെ പരിശ്രമങ്ങളുടെ ഭാഗമായാണ് നടപടി.