കോഴിക്കോട്: ഇന്‍ഡോര്‍ സ്‌റ്റേഡിയത്തിന് സമീപമുള്ള ചായക്കടയ്ക്ക് തീപ്പിടിച്ചു. ഇന്നലെ രാവിലെയാണ് ഇന്‍ഡോര്‍ റിഫ്രഷ്‌മെന്റ് എന്ന കടയ്ക്ക് തീപിടിച്ചത്. അടച്ചിട്ട കടയില്‍ നിന്നും പുക ഉയരുന്നത് കണ്ട നാട്ടുകാര്‍ ഫയര്‍ഫോഴ്‌സില്‍ വിവരം അറിയിക്കുകയായിരുന്നു. തുടര്‍ന്ന് നാട്ടുകാരും ഫയര്‍ ഫോഴ്‌സും കടയുടെ ഷട്ടര്‍ പൊളിച്ച് അകത്ത് കടന്നാണ് തീ അണച്ചത്. കട ഭാഗികമായി കത്തി നശിച്ചു. ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്ന് ഫയര്‍ ഫോഴ്‌സ് അറിയിച്ചു.