തിരുവനന്തപുരം: ക്രിസ്മസിന് മലയാളികള്‍ കുടിച്ചുതീര്‍ത്തത് 229.80 കോടി രൂപയുടെ മദ്യം. കഴിഞ്ഞ വര്‍ഷം ഇതേ ദിവസങ്ങളില്‍ 215 .49 കോടിയുടെ മദ്യമാണ് വിറ്റത്. മദ്യത്തിന് 2 ശതമാനം വില കൂടിയ ശേഷമുള്ള ആദ്യ ഉത്സവ സീസനായിരുന്നു ഇത്.

9.52 കോടിയുടെ മദ്യമാണ് ക്രിസ്മസ് ദിനത്തില്‍ വിറ്റത്. കഴിഞ്ഞ വര്‍ഷം ക്രിസ്മസ് ദിനത്തില്‍ വിറ്റത് 90.03 കോടി രൂപയുടെ മദ്യവും.

വില്‍പ്പനയില്‍ മുന്നില്‍ നില്‍ക്കുന്നത് കൊല്ലം ആശ്രാമത്തെ ബവ്‌റിജസ് ഔട്ട്‌ലറ്റാണ്. 68.48 ലക്ഷം രൂപയുടെ മ?ദ്യമാണ് ഇവിടെ വിറ്റത്. രണ്ടാമത് തിരുവനന്തപുരത്തെ പവര്‍ഹൗസ് റോഡിലെ ഔട്ട്‌ലറ്റ്, വില്‍പ്പന 65.07ലക്ഷം. മൂന്നാം സ്ഥാനത്ത് ഇരിങ്ങാലക്കുടയിലെ ഔട്ട്‌ലറ്റാണ്, വില്‍പ്പന 61.49 ലക്ഷം. ബവ്‌റിജസ് കോര്‍പറേഷന് 267 ഔട്ട്‌ലറ്റുകളാണുളളത്.

175 പുതിയ ഔട്ട്‌ലറ്റുകള്‍ തിരക്ക് കുറക്കാനായി ആരംഭിക്കാനും വിവിധ കാരണങ്ങളാല്‍ മുമ്പ് പൂട്ടിപോയ 68 ഔട്ട്‌ലറ്റുകള്‍ പ്രവര്‍ത്തനം ആരംഭിക്കാനും ബവ്‌റിജസ് കോര്‍പറേഷന്‍ തീരുമാനിച്ചിരുന്നു. ഇതിനായി പ്രവര്‍ത്തനങ്ങള്‍ പുരോ?ഗമിക്കുകയാണ്. പ്രാദേശിക എതിര്‍പ്പുകള്‍ കാരണം ഷോപ്പുകള്‍ തുടങ്ങാനായി ബുദ്ധിമുട്ടുകള്‍ നേരിടുന്നതായും അധികൃതര്‍ അറിയിച്ചു.