ന്യൂഡല്‍ഹി: ഇ.പി ജയരാജനെതിരായ ആരോപണത്തില്‍ പ്രതികരിക്കാതെ മുഖ്യമന്ത്രി പിണറായി വിജയന്‍. വിഷയം പൊളിറ്റ്ബ്യൂറോ (പി.ബി) ചര്‍ച്ച ചെയ്യുമോ എന്ന മാധ്യമപ്രവര്‍ത്തകരുടെ ചോദ്യത്തിന് തണുപ്പ് എങ്ങനെയുണ്ടെന്നായിരുന്നു മുഖ്യമന്ത്രിയുടെ മറുചോദ്യം. എന്തെങ്കിലും പറയാനുണ്ടെങ്കില്‍ മാധ്യമങ്ങളെ നേരില്‍ കാണുമെന്നും അദ്ദേഹം പറഞ്ഞു.

കണ്ണൂരില്‍ ഇ.പി. ജയരാജനുമായി ബന്ധപ്പെട്ട് ഉയര്‍ന്ന അനധികൃത സ്വത്ത് സമ്പാദന ആരോപണത്തെ കുറിച്ചാണ് മാധ്യമപ്രവര്‍ത്തര്‍ മുഖ്യമന്ത്രിയോട് ചോദിച്ചത്.

ആയുര്‍വേദ റിസോര്‍ട്ടിന്റെ മറവില്‍ വന്‍ സാമ്പത്തിക ക്രമക്കേടുകള്‍ നടക്കുകയും അനധികൃതമായി സ്വത്തുക്കള്‍ സമ്പാദിക്കുകയും ചെയ്‌തെന്നാണ് ആരോപിക്കപ്പെടുന്നത്. തെളിവിന്റെ അടിസ്ഥാനത്തിലാണ് ആരോപണം ഉന്നയിക്കുന്നതെന്നും അന്വേഷണം വേണമെന്നുമാണ് പി. ജയരാജന്‍ കമ്മറ്റിയില്‍ ആവശ്യപ്പെട്ടത്.