താമരശ്ശേരി: നിര്‍മാണത്തിലിരിക്കുന്ന വീടുകളില്‍ നിന്നും മര ഉരുപ്പടികള്‍ മോഷണം പോവുന്നതായി പരാതി. ചമല്‍ ചുണ്ടന്‍കുഴി പ്രദേശത്തെ വീടുകളില്‍ നിന്നാണ് മര ഉരുപ്പടികള്‍ മോഷണം പോയത്.
നിര്‍മാണത്തിലിരിക്കുന്ന വീടുകള്‍, കെട്ടിടങ്ങള്‍, അറ്റകുറ്റപ്പണി നടന്നു കൊണ്ടണ്ടിരിക്കുന്ന മറ്റു കെട്ടിടങ്ങള്‍ എന്നിവയില്‍ നിന്നാണ് വിലകൂടിയതും പണി പൂര്‍ത്തിയായതുമടക്കമുള്ള മര ഉരുപ്പടികള്‍ കാണാതാവുന്നത്. ജനലുകള്‍, വാതില്‍ കട്ടിലകള്‍, കഴുക്കോല്‍, വാതില്‍ പൊളികള്‍, കട്ടില്‍ കാലുകള്‍ തുടങ്ങിയവയാണ് മോഷണം പോവുന്നതെന്ന് നാട്ടുകാര്‍ പറഞ്ഞു.