ഇടുക്കി: എം.എം മണിയുടെ വാഹനം തടഞ്ഞുനിര്‍ത്തി അസഭ്യം പറഞ്ഞതായി പരാതി.സംഭവത്തില്‍ യുവാവിനെതിരേ കേസെടുത്തു. ഇടുക്കി രാജാക്കാട് വച്ചാണ് സംഭവം.കുഞ്ചിത്തണ്ണി സ്വദേശി അരുണിനെതിരെയാണ് പരാതി.

എം.എല്‍എയുടെ വാഹനം അരുണിന്റെ വാഹനത്തെ മറികടന്നു പോയതാണ് പ്രകോപനത്തിനു കാരണം. വാഹനം തടഞ്ഞു നിര്‍ത്തി അരുണ്‍ എം.എം. മണിയ്ക്കു നേരെ അസഭ്യവര്‍ഷം നടത്തുകയായിരുന്നു. എം.എല്‍.എയുടെ ഗണ്‍മാന്റെ പരാതിയിലാണ് പൊലിസ് കേസെടുത്തത്.