കോഴിക്കോട്: മതം രാഷ്ട്രീയത്തിലേക്ക് പ്രവേശിച്ചാലാണ് മതഭീകരത ഉടലെടുക്കുന്നതെന്നും മതഭീകരതയില്‍ രാഷ്ട്രീയം കലര്‍ന്നിട്ടുണ്ടെന്നും എം.പി അബ്ദുസ്സമദ് സമദാനി. ഗ്ലോബല്‍ പീസ് ട്രസ്റ്റിന്റെ ആഭിമുഖ്യത്തില്‍ സംഘടിപ്പിച്ച മാധ്യമ സെമിനാര്‍ കെ.പി കേശവമേനോന്‍ ഹാളില്‍ ഉദ്ഘാടനം ചെയ്യുകയായിരുന്നു അദ്ദേഹം. പ്രൊഫ. വി.എസ് ഗോപാലകൃഷ്ണന്‍ അധ്യക്ഷനായി. ഡോ. പി.കെ ബാലകൃഷ്ണന്‍, ഇയ്യച്ചേരി കുഞ്ഞികൃഷ്ണന്‍, എം.എം നാരായണന്‍, പ്രൊഫ. ശോഭീന്ദ്രന്‍, ഡോ. സി.എന്‍ ബാലകൃഷ്ണന്‍, പി.ആര്‍ നാഥന്‍, ഡോ. ലക്ഷ്മി ദാസന്‍, വി.പി റജീന, സുരേഷ് കൂടേരി, ടി.കെ.ഡി മുഴപ്പിലങ്ങാട്, അസ്വെങ്, ഫിറോസ് കളരിക്കല്‍, എം.പി മാലതി, സി. ലതീഷ് കുമാര്‍, എം.ജി മണിലാല്‍ സംസാരിച്ചു. ചടങ്ങില്‍ ഗ്ലോബല്‍ പീസ് ട്രസ്റ്റ് അംഗം അസ്വെങ് പാടത്തൊടി രചിച്ച ദി സയന്‍സ് ഓഫ് പീസ്ഫുള്‍ ലിവിങ് പുസ്തകം പ്രകാശനം ചെയ്തു.