ഗൂഡല്ലൂര്‍: കുന്നൂര്‍ രാജാജി റോഡിലെ മദ്യശാല മാറ്റി സ്ഥാപിക്കണമെന്ന് നാട്ടുകാര്‍ ആവശ്യപ്പെട്ടു. മദ്യപരുടെ ശല്യം കാരണം ഇവിടത്തുകാര്‍ വന്‍ പ്രതിസന്ധിയിലാണ്.
ഇതുമായി ബന്ധപ്പെട്ട് ബന്ധപ്പെട്ടവര്‍ക്ക് നിരവധി തവണ പരാതി നല്‍കിയെങ്കിലും യാതൊരുവിധ നടപടിയും സ്വീകരിച്ചിരുന്നില്ല. ഇതേത്തുടര്‍ന്ന് പ്രദേശവാസികള്‍ ശക്തമായ പ്രക്ഷോഭം സംഘടിപ്പിക്കാനൊരുങ്ങുകയാണ്. വീടുകള്‍ക്ക് മുന്‍പില്‍ കറുപ്പ് കൊടിനാട്ടാനും ഒപ്പ് ശേഖരണം നടത്താനുമാണ് ആദ്യഘട്ടത്തില്‍ തീരുമാനിച്ചിരിക്കുന്നത്.