കോഴിക്കോട്: സന്തോഷ് ട്രോഫി ഫുട്‌ബോളിലെ രണ്ടാം മത്സരത്തില്‍ കേരളത്തിന് തകര്‍പ്പന്‍ വിജയം. കോര്‍പ്പറേഷന്‍ സ്റ്റേഡിയത്തില്‍ നടന്ന മത്സരത്തില്‍ ബിഹാറിനെ ഒന്നിനെതിരെ നാലുഗോളുകള്‍ക്ക് ആതിഥേയര്‍ പരാജയപ്പെടുത്തി.

കേരളത്തിനായി നിജോ ഗില്‍ബര്‍ട്ട് ഇരട്ട ഗോള്‍ നേടി. രണ്ടാം പകുതിയില്‍ പകരക്കാരനായി ഇറങ്ങിയ വിശാഖ് മോഹനും അബ്ദുല്‍ റഹീമുമാണ് കേരളത്തിനായി ഗോള്‍ നേടിയത്. മത്സരത്തില്‍ കുടുതല്‍ ഗോളടിക്കാനുള്ള അവസരങ്ങള്‍ കേരളം നഷ്ടപ്പെടുത്തുകയും ചെയ്തു.

രണ്ട് ഗോളിന് മുന്നില്‍ നില്‍ക്കുമ്പോഴാണ് ബിഹാര്‍ ഒരു ഗോള്‍ തിരിച്ചടിച്ചത്.കളി തീരാന്‍ നിമിഷങ്ങള്‍ മാത്രമുള്ളപ്പോഴാണ് കേരളത്തിന്റെ നാലാം ഗോള്‍ പിറന്നത്.ഇത് കേരളത്തിന്റെ തുടര്‍ച്ചയായ രണ്ടാം ജയമാണ്.