A group of fake international brand products was arrested in Kuwait

കുവൈത്ത്‌ സിറ്റി: പ്രമുഖ അന്താ രാഷ്ട്ര ബ്രാൻഡ് ഉത്പന്നങ്ങൾ വ്യാജമായി നിർമ്മിച്ച് വിൽക്കുന്ന മൂന്ന് സ്റ്റോറുകളും വെയർ ഹൌസുകളും വാണിജ്യ, വ്യവസായ മന്ത്രാലയം അടച്ചു പൂട്ടി. ജഹറ കേന്ദ്രമായി പ്രവർത്തിച്ചു വരികയായിരുന്ന ഈ സ്ഥാപനങ്ങളിടെ നടത്തിപ്പുകളിലൊരാളെ പബ്ലിക് പ്രോസിക്യൂഷന് റഫർ ചെയ്തതായി വാണിജ്യ വ്യവസായ മന്ത്രാലയം വ്യക്തമാക്കി. രാജ്യത്തിന്റെ വിവിധ ഭാഗങ്ങളിലുള്ള വിപണികളിൽ വ്യാപകമായ വ്യാജ ഉത്പന്നങ്ങൾ വിതരണം ചെയ്യപ്പെടുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ വാണിജ്യ മന്ത്രാലയം നടത്തിയ റെയ്ഡിൽ വിവിധ അന്താ രാഷ്ട്ര ബ്രാൻഡുകളുടെ പേരിൽ നിർമ്മിച്ച വസ്‌ത്രങ്ങൾ, ബാഗുകൾ, ചെരിപ്പുകൾ, അനുബന്ധ സാമഗ്രികൾ എന്നിവയാണ് പിടിച്ചെടുത്തത്. ഏകദേശം 120,000 ദിനാർ മൂല്യമുള്ള വസ്തുക്കളാണ് പിടിച്ചെടുത്തത്. രാജ്യത്തിന്റെ സമ്പദ്‌വ്യവസ്ഥയെ തകർക്കുന്ന ഇത്തരം ഗുരുതരമായ പ്രവർത്തികൾ കർശനമായി നേരിടുമെന്ന് വാണിജ്യ മന്ത്രാലയ ഉദ്യോഗസ്ഥർ മുന്നറിയിപ്പ് നൽകി.