കേരള സര്‍ക്കാരിന് കീഴില്‍ യു.എ.ഇയില്‍ ജോലി നേടാന്‍ അവസരം; 2000 ദിര്‍ഹം വരെ ശമ്പളം; ഡിസംബര്‍ 5നുള്ളില്‍ അപേക്ഷിക്കണം

കേരള സര്‍ക്കാരിന് കീഴില്‍ യു.എ.ഇയില്‍ ജോലി നേടാന്‍ അവസരം; 2000 ദിര്‍ഹം വരെ ശമ്പളം; ഡിസംബര്‍ 5നുള്ളില്‍ അപേക്ഷിക്കണം

കേരള സര്‍ക്കാര്‍ സ്ഥാപനമായ ഒഡാപെക് മുഖേന യു.എ.ഇയിലെ പ്രമുഖ കമ്പനിയില്‍ ജോലി നേടാന്‍ അവസരം. ഇ.എല്‍.വി ഫോര്‍മാന്‍, ഇ.എല്‍.വി ടെക്‌നിക്കല്‍ ഹെല്‍പ്പര്‍ എന്നീ തസ്തികകളിലേക്കാണ് പുതിയ നിയമനം. താല്‍പര്യമുള്ള ഉദ്യോഗാര്‍ഥികള്‍ക്ക് ഡിസംബര്‍ 5 നുള്ളില്‍ അപേക്ഷ സമര്‍പ്പിക്കാം.

യോഗ്യത
ഇ.എല്‍.വി ടെക്‌നിക്കല്‍ ഹെല്‍പ്പര്‍
ഇലക്ട്രിക്കല്‍/ഇലക്ട്രോണിക്‌സ് ഐ.ടി.ഐ/ഡിപ്ലോമ പാസായ ഇ.എല്‍.വി/ഐ.ടി മേഖലയില്‍ കുറഞ്ഞത് രണ്ടു മുതല്‍ മൂന്ന് വര്‍ഷം വരെ പ്രവൃത്തി പരിചയമുള്ളവര്‍ക്കു അപേക്ഷിക്കാം.

ഇ.എല്‍.വി ഫോര്‍മാന്‍
ഇലക്ട്രിക്കല്‍/ഇലക്ട്രോണിക്‌സ് ഐ.ടി.ഐ/ഡിപ്ലോമ പാസായ ഇ.എല്‍.വി സിസ്റ്റം ഇന്‍സ്റ്റാളേഷന്‍, ടെസ്റ്റിങ്, കമ്മിഷനിങ് വര്‍ക്കില്‍ കുറഞ്ഞത് രണ്ടു വര്‍ഷത്തെ പ്രവൃത്തി പരിചയമുള്ളവര്‍ക്കു അപേക്ഷിക്കാം. യു.എ.ഇ ലൈസന്‍സ്/പ്രവൃത്തി പരിചയമുള്ളവര്‍ക്ക് മുന്‍ഗണന.

ശമ്പളം
ഇ.എല്‍.വി ടെക്‌നിക്കല്‍ ഹെല്‍പ്പര്‍ തസ്തികയിലേക്ക് തെരഞ്ഞെടുക്കപ്പെട്ടാല്‍ 1400 ദിര്‍ഹമാണ് ശമ്പളമായി ലഭിക്കുക. താമസം, യാത്ര എന്നിവയും ഉള്‍പ്പെടും.

ഇ.എല്‍.വി ഫോര്‍മാന്‍ തസ്തികയില്‍ ശമ്പളം 2,000 ദിര്‍ഹമാണ് ശമ്പളമായി ലഭിക്കുക.

താല്‍പര്യമുള്ള ഉദ്യോഗാര്‍ഥികള്‍ ബയോഡേറ്റ, സര്‍ട്ടിഫിക്കറ്റുകള്‍, തൊഴില്‍ പരിചയം, പാസ്‌പോര്‍ട്ട് എന്നിവ അഞ്ചിന് മുമ്പ് [email protected] എന്ന ഇമെയിലിലേക്കു അയക്കേണ്ടതാണ്.

കൂടുതല്‍ വിവരങ്ങള്‍ക്ക് www.odepc.kerala.gov.in എന്ന വെബ്‌സൈറ്റ് സന്ദര്‍ശിക്കുക. ഫോണ്‍: 047.123.29440/41/42/45, 773.649.6574.