വളാഞ്ചേരി: അഭയ ചാരിറ്റബിള്‍ ട്രസ്റ്റിന്റെ ഉദ്ഘാടനം സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ നിര്‍വഹിച്ചു. ട്രസ്റ്റ് നിര്‍മിച്ചുനല്‍കിയ വീടിന്റെ താക്കോല്‍ ദാനവും ഹുസൈന്‍ രണ്ടത്താണി രചിച്ച മാര്‍ക്‌സിസത്തിന്റെ ഇസ്‌ലാം വായന എന്ന പുസ്തകത്തിന്റെ പ്രകാശനവും അദ്ദേഹം നിര്‍വഹിച്ചു.
വി.പി സക്കറിയ അധ്യക്ഷനായി. പാലിയേറ്റീവ് വളണ്ടിയര്‍മാരുടെ കാര്‍ഡ് വിതരണം മന്ത്രി ഡോ. കെ.ടി ജലീല്‍ നിര്‍വഹിച്ചു. ഓഫിസ് ഉദ്ഘാടനം പാലൊളി മുഹമ്മദ് കുട്ടിയും മെഡിക്കല്‍ ഉപകരണങ്ങളുടെ വിതരണം എന്‍.എ മുഹമ്മദ് കുട്ടിയും സൗജന്യ മെഡിക്കല്‍ ക്യാംപ് ഉദ്ഘാടനം പി.പി വാസുദേവനും നിര്‍വഹിച്ചു. കെ.പി.എ സത്താര്‍ റിപ്പോര്‍ട്ട് അവതരിപ്പിച്ചു. വേലായുധന്‍ വള്ളിക്കുന്ന്, കെ.പി ശങ്കരന്‍, ഹുസൈന്‍ രണ്ടത്താണി, അബ്ദുല്‍ ജബ്ബാര്‍, വി. ശശികുമാര്‍, ഇ.എന്‍ മോഹന്‍ദാസ്, കെ. രാമദാസ്, എന്‍. വേണുഗോപാല്‍, എ.എന്‍ ജോയ് മാസ്റ്റര്‍ സംസാരിച്ചു.