പള്ളിക്കല്‍: പെരുവള്ളൂര്‍ പറമ്പില്‍പീടികക്കടുത്തു വടക്കീല്‍ മാടില്‍ ഓട്ടോറിക്ഷ മറിഞ്ഞു നാല് അധ്യാപികമാര്‍ക്കും ഓട്ടോ ഡ്രൈവര്‍ക്കും പരുക്കേറ്റു.
പറമ്പില്‍പീടിക ഗവ. എല്‍.പി സ്‌കൂള്‍ അധ്യാപികമാരായ അജിഷ, ഷൈനി, ബീഫാത്തിമ, ശുശുംന റാണി എന്നിവര്‍ക്കാണ് അപകടത്തില്‍ പരുക്കേറ്റത്. ഇവരെ കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചു. സംഭവ സമയം ഓടിക്കൂടിയ നാട്ടുകാരാണ് ഇവരെ ആശുപത്രിയിലെത്തിച്ചത്.
സ്‌കൂള്‍ വിട്ട് ഓട്ടോറിക്ഷയില്‍ മടങ്ങവേ ഇവര്‍ സഞ്ചരിച്ച ഓട്ടോ നിയന്ത്രണം വിട്ട് വൈദ്യുതി പോസ്റ്റില്‍ ഇടിച്ചു മറിയുകയായിരുന്നു.