A new residency law is coming in Kuwait

കുവൈത്ത് സിറ്റി: വിദേശികളുടെ താമസ നിയമത്തിൽ കാതലായ മാറ്റങ്ങളോടെ ഭേദഗതി വരുത്തുന്നതായി പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. ഇതുമായി ബന്ധപ്പെട്ട കാര്യങ്ങൾ അവസാന ഘട്ടത്തിലെത്തിലാണെന്നും, പാർലമെന്ററി ഇന്റീരിയർ, ഡിഫൻസ് കമ്മിറ്റിയുടെ അവലോകനത്തിനായി കാത്തിരിക്കുകയാണെന്നും പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.
സമഗ്രമായ ഭേദഗതികളോടെയാണ് പുതിയ റെസിഡൻസി നിയമം നടപ്പിൽ വരുത്തുന്നത്. അതിൽ പ്രധാനമായും അനധികൃതമായ വിസ കച്ചവടം അവസാനിപ്പിക്കുക, വിദേശികളുടെ വർദ്ധനവ് നിയന്ത്രിക്കുക, നാടുകടത്തൽ നടപടിക്രമങ്ങൾ കാര്യക്ഷമമാക്കുക. എല്ലാ ഹോട്ടലുകളും അപ്പാർട്ട്‌ഹോട്ടലുകളും വിദേശികളുടെ താമസ വിവരങ്ങൾ ബന്ധപ്പെട്ട അധികാരികൾക്ക് റിപ്പോർട്ട് ചെയ്യുക തുടങ്ങിയവയാണ്.

താമസാനുമതി, പുതുക്കലുകൾ, എൻട്രി വിസകൾ എന്നിവയുമായി ബന്ധപ്പെട്ട പുതിയ ഫീസിന്റെ രൂപരേഖയുടെ മന്ത്രിതല തീരുമാനം ഉടൻ വരും. വിസ കച്ചവടം തടയുന്നതിനുള്ള സുപ്രധാന നീക്കത്തിന്റെ ഭാഗമായി , 3 വർഷം വരെ തടവും 5,000 KD മുതൽ KD 10,000 വരെ പിഴയും ഈടാക്കും.