കോഡൂര്‍: കുട്ടിക്കര്‍ഷക ഹൈഫ ലുലുവിനെ ചെമ്മങ്കടവ് ഹയര്‍സെക്കന്‍ഡറി സ്‌കൂള്‍ വിദ്യാര്‍ഥികള്‍ അനുമോദിച്ചു. കര്‍ഷക ദിനത്തില്‍ കുട്ടിക്കര്‍ഷകയായി തെരഞ്ഞെടുത്ത ഹൈഫ ലുലുവിനെയാണ് ചെമ്മങ്കടവ് പി.എം.എസ്.എ.എം ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റ് ഉപഹാരം നല്‍കി അനുമോദിച്ചത്. ഗ്രാമപഞ്ചായത്ത് പ്രസിഡന്റ് സി.പി ഷാജി ഉപഹാരം നല്‍കി. എന്‍.എസ്.എസ് യൂനിറ്റ് ലീഡര്‍ കെ.പി രാഹുല്‍ അധ്യക്ഷനായി. പി.ടി.എ പ്രസിഡന്റ് എന്‍. കുഞ്ഞീതു, കൃഷി ഓഫീസര്‍ പ്രകാശ് പുത്തന്‍മഠത്തില്‍, എന്‍.എസ്.എസ് പ്രോഗ്രാം ഓഫീസര്‍ എന്‍.കെ ഹഫ്‌സല്‍ റഹ്മാന്‍, സ്‌കൂള്‍ മാനേജര്‍ എന്‍.കെ കുഞ്ഞിമുഹമ്മദ്, കെ. ബിജു സക്കറിയ, കെ.എസ് അനൂപ്, ലിനി, സ്‌കൂള്‍ യൂനിയന്‍ ചെയര്‍മാന്‍ സി.എച്ച് റിഷാദ് എന്നിവര്‍ പ്രസംഗിച്ചു.
പരിപാടിക്ക് എന്‍.എസ്.എസ് യൂനിറ്റ് ലീഡര്‍മാരായ നസീബ തസ്‌നീം മങ്കരത്തൊടി, ഹംറാസ് മുഹമ്മദ് പാറമ്മല്‍, ഫാത്തിമ ഷെറിന്‍ ശഹാന എന്നിവര്‍ നേതൃത്വം നല്‍കി.