മലപ്പുറം: ജില്ലാ ഇന്‍ഫര്‍മേഷന്‍ ഓഫിസര്‍ വി.പി സുലഭകുമാരിക്ക് പാലക്കാട്ടേക്ക് സ്ഥലം മാറ്റം. കര്‍ത്തവ്യ നിര്‍വഹണത്തിലെ വീഴ്ച സംബന്ധിച്ചു ലഭിച്ച പരാതിയിന്മേല്‍ ധനകാര്യ വകുപ്പു നടത്തിയ ആകസ്മിക പരിശോധനയില്‍ കഴമ്പുള്ളതായി കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് ഇവരെ പാലക്കാട് ജില്ലാ ഇന്‍ഫര്‍മേഷന്‍ ഓഫിസിലേക്കു സ്ഥലംമാറ്റി കഴിഞ്ഞ 16 ന് ഉത്തരവിറങ്ങിയത്. പകരം നിലവില്‍ പാലക്കാട് ഇന്‍ഫര്‍മേഷന്‍ ഓഫിസറായി ജോലിചെയ്യുന്ന സി. അയ്യപ്പനെ മലപ്പുറത്തേക്കും നിയമിച്ച് ഉത്തരവായിട്ടുണ്ട്.