തിരുവനന്തപുരം: സംസ്ഥാനത്ത് ഈമാസം 25 മുതല്‍ സിനിമാ തിയറ്ററുകള്‍ തുറക്കാന്‍ തീരുമാനം. 50 % സീറ്റുകളില്‍ പ്രവേശനം അനുവദിക്കാമെന്ന് കൊവിഡ് അവലോകനയോഗത്തില്‍ ധാരണയായി. രണ്ടുഡോസ് വാക്‌സീന്‍ എടുത്തവര്‍ക്കാണ് പ്രവേശനം. കൊവിഡ് നെഗറ്റീവ് സര്‍ട്ടിഫിക്കറ്റ് ആവശ്യമില്ല.

എ.സി. പ്രവര്‍ത്തിപ്പിക്കാം. സിനിമാ പ്രവര്‍ത്തകരുടെ നിരന്തര ആവശ്യത്തിനൊടുവിലാണ് ധാരണ. ഗ്രാമ സഭകള്‍ ചേരാനും അനുമതി നല്‍കിയിട്ടുണ്ട്. വിവാഹ സത്കാരങ്ങള്‍ക്ക് 50 പേര്‍ക്ക് പങ്കെടുക്കാനും അനുമതി.

പ്രീമെട്രിക് ഹോസ്റ്റലുകളും മോഡല്‍ റസിഡന്‍ഷ്യല്‍ സ്‌കൂളുകളും ബയോ ബബിള്‍ മാതൃകയില്‍ മറ്റ് സ്‌കൂളുകള്‍ നവംബര്‍ ഒന്നുമുതല്‍ തുറക്കും. രണ്ട് ഡോസ് വാക്‌സിന്‍ സ്വീകരിച്ച ജീവനക്കാരെ ഉള്‍പ്പെടുത്തി മറ്റ് സ്‌കൂളുകളിലെ ക്ലാസുകള്‍ ആരംഭിക്കാന്‍ അനുവദിച്ചത് പ്രകാരമാവും ഇത്.