അഞ്ചരക്കണ്ടി: അഞ്ചരക്കണ്ടി-ചാലോട് റോഡില്‍ കാടു വളര്‍ന്നത് വാഹനങ്ങള്‍ക്കും യാത്രക്കാര്‍ക്കും ബുദ്ധിമുട്ടു സൃഷ്ടിക്കുന്നു. വളവിലാണ് റോഡിലേക്കു കയറി നില്‍ക്കുന്ന കാട് വളര്‍ന്നതെന്നതിനാല്‍ എതിരേ വരുന്ന വാഹനങ്ങളെ കാണാന്‍ സാധിക്കാത്ത രീതിയിലാണ്. അഞ്ചരക്കണ്ടി, ചാലോട് ഭാഗത്തേക്ക് പ്രവേശിക്കാന്‍ രണ്ടു വഴികളാണ് ഇവിടെയുള്ളത്. ഇതു സൂചിപ്പിക്കുന്ന ദിശാബോര്‍ഡ് ഇപ്പോള്‍ കാടുമൂടി കിടക്കുകയാണ്. റോഡ് തകര്‍ന്ന് അങ്ങിങ്ങായി കുഴിയും രൂപപ്പെട്ടിട്ടുണ്ട്.