കണ്ണൂര്‍: ചെട്ടിപ്പീടികയില്‍ ടിപ്പര്‍ലോറി ഡിവൈഡറിനു മുകലില്‍ കയറി. വളപട്ടണം ഭാഗത്തേക്ക് പോവുകയായിരുന്ന ലോറിയാണ് നിയന്ത്രണംവിട്ട് ഇന്നലെ പുലര്‍ച്ചെ 5.50ഓടെ അപകടത്തില്‍പ്പെട്ടത്. ലോറിയുടെ ഡീസല്‍ ടാങ്ക് പൊട്ടി ഇന്ധനം റോഡിലേക്ക് ഒഴുകി. അഗ്നിശമന സേന എത്തിയാണു ഡീസല്‍ വെള്ളമൊഴിച്ച് കളഞ്ഞത്. അപകടത്തില്‍ ലോറിയുടെ മുന്‍വശം തകര്‍ന്നു. ഇന്നലെ പുലര്‍ച്ചെ 12.30ഓടെ പള്ളിക്കുന്ന് ശ്രീപുരം സ്‌കൂളിനു സമീപം ഡിവൈഡറില്‍ ലോറി ഇടിച്ചുകയറിയിരുന്നു. ഇരുട്ടില്‍ ഡിവൈഡര്‍ കാണാതിരുന്നതായിരുന്നു അപകടകാരണം. മംഗളൂരു ഭാഗത്തുനിന്നു കണ്ണൂരിലേക്കു ഇരുമ്പുമായി വന്ന കര്‍ണാടക രജിസ്‌ട്രേഷനിലുള്ള ട്രെയ്‌ലര്‍ ലോറിയായിരുന്നു അപകടത്തില്‍പ്പെട്ടത്. പള്ളിക്കുന്ന് മുതല്‍ ചാല വരെ സ്ഥാപിച്ച ഡിവൈഡറുകളില്‍ പലതിലും റിഫ്‌ളക്ടറുകള്‍ പതിച്ചിട്ടില്ല.