മാലിദ്വീപ്:  സാഫ് കപ്പില്‍ ഇന്ത്യക്ക് സമനിലത്തുടക്കം. മാലിദ്വീപില്‍ അരങ്ങേറിയ ഗ്രൂപ്പ് ഘട്ട മത്സരത്തില്‍ ബംഗ്ലാദേശ് ഇന്ത്യയെ സമനിലയില്‍ പിടിച്ചുകെട്ടി. മത്സരത്തില്‍ ഇരുടീമുകളും ഓരോ ഗോള്‍ വീതമാണ് നേടിയത്.

മാലിദ്വീപ് നാഷണല്‍ സ്റ്റേഡിയത്തില്‍ നടന്ന മത്സരത്തില്‍ ആധിപത്യം ഇന്ത്യക്കായിരുന്നു. 26ാം മിനിറ്റില്‍ ഇന്ത്യ മുന്നിലെത്തി. ക്യാപ്റ്റന്‍ സുനില്‍ ഛേത്രിയാണ് ഇന്ത്യക്കായി ഗോള്‍ നേടിയത്. ഉദാന്ത സിങ്ങാണ് ഗോളിന് വഴിയൊരുക്കി. തുടര്‍ന്ന്
ആക്രമണ ശൈലി മാറ്റി്. എന്നാല്‍ ഫിനിഷിങില്‍ അമ്പേ പരാജയമായി.

രണ്ടാം പകുതിയില്‍ ബംഗ്ലാദേശ് പത്ത് പേരിലേക്ക് ചുരുങ്ങി. ബിശ്വനാഥ് ഘോഷ് ചുവപ്പുകാര്‍ഡ് കണ്ടുമടങ്ങി. എങ്കിലും ഇന്ത്യയെ 75ാം മിനിറ്റില്‍ മുള്‍മുനയിലാക്കി ആഗോള്‍ വന്നു.
കോര്‍ണര്‍ കിക്കില്‍ ബംഗ്ലാദേശ് ഒപ്പത്തിനൊപ്പമായി. 18 വയസ് മാത്രം പ്രായമുള്ള പ്രതിരോധതാരം യാസിന്‍ അറഫാത്താണ് സമനില ഗോള്‍ നേടിയത്. പിന്നീട് ഇന്ത്യക്ക് കാര്യമായ നേട്ടം കണ്ടെത്താനായില്ല.