പാനൂര്‍: മനോധൈര്യമുണ്ടങ്കില്‍ അഗ്‌നിയില്‍ കൂടി നടക്കാമെന്ന് തെളിയിച്ചിരിക്കുകയാണ് കല്ലിക്കണ്ടി എന്‍.എ.എം കോളജിലെ വിദ്യാര്‍ഥികള്‍. എന്‍.സി.സിയുടെ സാഹസിക പരിശീലനത്തിന്റെ ഭാഗമായാണ് ആത്മവിശ്വാസം വര്‍ധിപ്പിക്കാന്‍ കുട്ടികള്‍ തീയിലൂടെ നടന്നത്.
പലരും ആദ്യം മടിച്ചിരുന്നങ്കിലും ആത്മവിശ്വാസം വര്‍ധിച്ചതോടെ തീയിലിറങ്ങി നടന്നു. എന്‍.സി.സി, കേഡറ്റുകള്‍ക്ക് പുറമെ എന്‍.എസ്.എസ് വളണ്ടിയര്‍മാര്‍ക്കും പരിശീലനം നല്‍കി.
നിസാര്‍ പട്ടുവത്തിന്റെ നേതൃത്വത്തിലാണ് സാഹസിക പരിശീലനം നടത്തിയത്. ജീവിതത്തിന്റെ ലക്ഷ്യബോധം എന്ന ബോധവല്‍കരണ പരിപാടി കോളജ് പ്രില്‍സിപ്പല്‍ ഡോ.കെ.കെ മുസ്തഫ ഉദ്ഘാടനം ചെയ്തു.
എന്‍.സി.സി ഓഫിസര്‍ ലഫ്. എ.പി ഷമീര്‍ അധ്യക്ഷനായി. ജേസീസ് ദേശീയ പരിശീലകന്‍ ഡോ.എം.കെ മധുസൂധനന്‍, എന്‍.എസ്.എസ് പ്രോഗ്രാം ഓഫിസര്‍ കെ.പി നംഷാദ്, എ.മുഹമ്മദ്, ടി അഖില്‍ സംസാരിച്ചു.