തളിപ്പറമ്പ് : പാണക്കാട് സയ്യിദ് ഉമറലി ശിഹാബ് തങ്ങള്‍ ഇസ്‌ലാമിക് സെന്ററിന്റെ നേതൃത്വത്തില്‍ തളിപ്പറമ്പ് പുഷ്പഗിരിയില്‍ മാസാന്ത ഖുര്‍ആന്‍ പ്രഭാഷണം നാളെ നടക്കും.
മഗ്‌രിബ് നിസ്‌കാരാനന്തരം പ്രത്യേകം സജ്ജമാക്കിയ പന്തലില്‍ ചെയര്‍മാന്‍ കെ.കെ മുഹമ്മദ് ദാരിമിയുടെ അധ്യക്ഷതയില്‍ പാണക്കാട് സയ്യിദ് അബ്ദുറഷീദ് ശിഹാബ് തങ്ങള്‍ ഉദ്ഘാടനം ചെയ്യും. പ്രമുഖ പ്രഭാഷകനും പണ്ഡിതനുമായ ഉസ്താദ് ജലീല്‍ റഹ്മാനി വാണിയന്നൂര്‍ 'ഞാന്‍ അല്ലാഹുവിനോട് കാവല്‍ തേടുന്നു' എന്ന വിഷയത്തില്‍ മുഖ്യ പ്രഭാഷണം നടത്തും. തുടര്‍ന്നുള്ള എല്ലാ മാസങ്ങളിലും നടത്തുന്ന പ്രഭാഷണത്തിന് ജലീല്‍ റഹ്മാനി നേതൃത്വം നല്‍കും. വാര്‍ത്താസമ്മേളനത്തില്‍ കെ.കെ.മുഹമ്മദ് ദാരിമി(ചെയര്‍മാന്‍ ഇസ്‌ലാമിക് സെന്റര്‍), ഉമര്‍ നദ്‌വി തോട്ടീക്കല്‍(വര്‍.ചെയര്‍മാന്‍ ഇസ്‌ലാമിക് സെന്റര്‍), സി.ഹസന്‍ ദാരിമി(ജനറല്‍ കണ്‍വീനര്‍ ഇസ്‌ലാമിക് സെന്റര്‍), കെ.അബ്ദുല്ല ഹാജി(വൈ.ചെയര്‍മാന്‍.ഇസ്‌ലാമിക് സെന്റര്‍), അസീസ് ഹാജി പുഷ്പഗിരി(ജെ.കണ്‍വീനര്‍,ഇസ്‌ലാമിക് സെന്റര്‍) എന്നിവര്‍ പങ്കെടുത്തു.