പഴയങ്ങാടി: എരിപുരം താലൂക്കാശുപത്രിക്ക് സമീപം നിയന്ത്രണംവിട്ട കാര്‍ വൈദ്യുത തൂണിലിടിച്ചു തകര്‍ന്നു. ഹൈടെന്‍ഷന്‍ വൈദ്യുത തൂണിലിടിച്ചു തകര്‍ന്ന കാറില്‍ യാത്രചെയ്തിരുന്ന രണ്ടു പേര്‍ക്ക് അപകടത്തില്‍ പരുക്കേറ്റു. ഇന്നലെ ഉച്ചയോടെയാണ് സംഭവം. പഴയങ്ങാടി ഭാഗത്ത് നിന്നും പിലാത്തറ ഭാഗത്തേക്ക് പോകുന്ന കാര്‍ താലൂക്കാശുപത്രിക്കടുത്ത റോഡരികില്‍ വളവിലെ ഹൈടെന്‍ഷന്‍ വൈദ്യുത തൂണിലിടിച്ചത്. ഇടിയുടെ ആഘാതത്തില്‍ ലൈന്‍ പൊട്ടി വിണ് ഇതിന് സമീപം നിര്‍ത്തിയ ടിപ്പര്‍ ലോറിക്കും കേടുപാട് സംഭവിച്ചു. പരുക്കേറ്റ ആലക്കോട് സ്വദേശികളായ ബെന്നിമോളത്ത്(40), ജേബീസ് വര്‍ഗ്ഗീസ് (42) എന്നിവര്‍ പഴയങ്ങാടി താലൂക്കാശുപത്രിയില്‍ ചികിത്സതേടി.