നീലേശ്വരം: സംരക്ഷണമില്ലാതെ നശിക്കുന്ന കോവിലകം ചിറയ്ക്കു വിദ്യാര്‍ഥികളുടെ സംരക്ഷണ വലയം.
ഹൊസ്ദുര്‍ഗ് ഗവ. ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് വളണ്ടിയര്‍മാരാണ് നീലേശ്വരം കോവിലകം ചിറയ്ക്കു ചുറ്റും മനുഷ്യചങ്ങല തീര്‍ത്തത്.
നഗരത്തിലെ ജലസ്രോതസിന്റെ പ്രധാന ഘടകമായ ചിറ കഴിഞ്ഞ വേനലില്‍ വറ്റിവരണ്ടിരുന്നു.
ചിറയുടെ മൂന്നു ഭാഗവും ഇടിയാനും തുടങ്ങിയിട്ടുണ്ട്. മുന്‍പ് നിരവധി നീന്തല്‍ മത്സരങ്ങള്‍ക്കു വേദിയായിരുന്നു ഈ ചിറ. അതാണ് ഇപ്പോള്‍ സംരക്ഷണമില്ലാതെ നശിക്കുന്നത്.
പ്രോഗ്രാം ഓഫിസര്‍ എന്‍. സദാശിവന്‍, അധ്യാപകരായ സി ഗംഗാധരന്‍, ടി.പി അനൂപ്, പി സജിത, പി.വി ഹേമാവതി, വളണ്ടിയര്‍ ലീഡര്‍മാരായ പി.എസ് ആര്യ, കെ ജിതിന്‍, എസ്.എം ഗോപിക നേതൃത്വം നല്‍കി.