പുതുനഗരം: മാലിന്യങ്ങളാല്‍ നിറഞ്ഞ് പുതുനഗരം. ടൗണിനുചുറ്റുമുള്ള പ്രദേശങ്ങളിലാണ് മാലിന്യങ്ങള്‍ നീക്കം ചെയ്യാത്തതിനാല്‍ കുന്നുകൂടിയിരിക്കുന്നത്. കരിപ്പോട്, മാങ്ങോട്, പ്ലാത്തൂര്‍മേട്, ചിറ്റൂര്‍ റോഡ് എന്നിവിടങ്ങളിലാണ് മാലിന്യങ്ങള്‍ നീക്കംചെയ്യാത്തതിനാല്‍ നാട്ടുകാര്‍ക്ക് പ്രതിസന്ധിയുണ്ടായിട്ടുള്ളത്.
ഇറച്ചി മാലിന്യങ്ങള്‍ ഉള്‍പെടെ പ്ലാസ്റ്റിക്ക് കവറുകളിലാക്കി നിക്ഷേപിക്കുന്നതാണ് നിലവില്‍ പ്രതിസന്ധികള്‍ക്ക് കാരണം കരിപ്പോട്ടില്‍ കൂട്ടിയിട്ടിരിക്കുന്ന മാലിന്യങ്ങള്‍ കൊല്ലങ്കോട്- പുതുനഗരം പ്രധാനറോഡിലൂടെ കടക്കുന്നവര്‍ക്ക് ഭീഷണിയായി മാറി.
കഴിഞ്ഞ ആഴ്ച്ച ദുര്‍ഗന്ധം വമിച്ചിരുന്ന മാലിന്യങ്ങളെ നാട്ടുകാര്‍ ഇടപെട്ട് നീക്കം ചെയ്തിരുന്നു. പഞ്ചായത്തില്‍ നേരിട്ട് പരാതി നല്‍കിയട്ടും പരിഗണിക്കാത്തതിനാല്‍ കലക്ടര്‍ക്ക് പരാതി നല്‍കാനുള്ള ഒപ്പു ശേഖരണം നടത്തുകയാണ്.