ഇറ്റാനഗര്‍: അരുണാചല്‍ പ്രദേശിലെ യഥാര്‍ഥ നിയന്ത്രണരേഖയില്‍ ഇന്ത്യന്‍- ചൈനീസ് സംഘങ്ങള്‍ മുഖാമുഖം വന്നതായി പ്രതിരോധ മന്ത്രാലയ വൃത്തങ്ങള്‍. കഴിഞ്ഞ ആഴ്ച്ചയാണ് ഇന്ത്യ-ചൈന സൈനികര്‍ മുഖാമുഖം വന്നത്. എന്നാല്‍ സംഘര്‍ഷാവസ്ഥ പ്രോട്ടോകോള്‍ പ്രകാരം ചര്‍ച്ച ചെയ്ത് പരിഹരിച്ചതായും മന്ത്രാലയം വ്യക്തമാക്കി.

സംഭവത്തില്‍ നാശനഷ്ടങ്ങളൊന്നും സംഭവിച്ചത്.മുന്‍പ് പല തവണ ചൈനീസ് കടന്നുകയറ്റം റിപ്പോര്‍ട്ട് ചെയ്തിട്ടുള്ള പ്രദേശമാണിത്. 2016 ല്‍ 200ഓളം ചൈനീസ് സൈനികര്‍ യാങ്‌സീ വരെ എത്തിയിരുന്നു. മണിക്കൂറുകള്‍ക്ക് ശേഷം മടങ്ങിപ്പോവുകയും ചെയ്തിരുന്നു.

അതിര്‍ത്തികള്‍ ഔദ്യോഗികമായി വേര്‍തിരിച്ചിട്ടില്ലാത്തതിനാല്‍ ഇരു രാജ്യങ്ങളും തമ്മില്‍ ലൈന്‍ ഓഫ് ആക്ച്ചല്‍ (എല്‍.എ.സി) നെ കുറിച്ച് അഭിപ്രായവ്യത്യാസങ്ങളുണ്ട്. ഇരുസൈന്യവും മുഖാമുഖം കണ്ടുമുട്ടുമ്പോള്‍ നിലവിലുള്ള പ്രോട്ടോകോള്‍ അനുസരിച്ചാണ് സ്ഥിതി നിയന്ത്രിക്കുക.