കേരളത്തില്‍ തദ്ദേശ അക്കൗണ്ട് തുറന്ന് എ.എ.പി; വിജയം തൊടുപുഴ കരിങ്കുന്നം പഞ്ചായത്തിലെ ഏഴാം വാര്‍ഡില്‍ എ എ പി യുടെ ബീനാ കുര്യന്

ഇടുക്കി: തദ്ദേശ തെരഞ്ഞെടുപ്പില്‍ കേരളത്തില്‍ ആദ്യമായി എ എ പി അക്കൗണ്ട് തുറന്നു. തൊടുപുഴ നിയോജക മണ്ഡലത്തിലെ കരിങ്കുന്നം പഞ്ചായത്തിലെ ഉപതിരഞ്ഞെടുപ്പില്‍ കോണ്‍ഗ്രസിനെയും ഇടതുപക്ഷ മുന്നണിയെയും അട്ടിമറിച്ചാണ് എ.എ.പി വിജയം.

കരിങ്കുന്നം പഞ്ചായത്ത് ഏഴാം വാര്‍ഡിലേക്ക് നടന്ന ഉപതിരഞ്ഞെടുപ്പില്‍ എഎപി സ്ഥാനാര്‍ത്ഥി ബീനാ കുര്യന്‍ ആണ് വിജയിച്ചത്. കോണ്‍ഗ്രസ് സിറ്റിംഗ് സീറ്റ് ആയിരുന്നു. എ.എ.പി സ്ഥാനാര്‍ത്ഥിക്ക് 202 വോട്ടുകള്‍ ലഭിച്ചപ്പോള്‍;യു ഡി എഫിന് 198 വോട്ടും .എല്‍ ഡി എഫിന് 27 വോട്ടും ലഭിച്ചു നാല് വോട്ടിന്റെ നിര്‍ണ്ണായക ഭൂരിപക്ഷമാണ് ലഭിച്ചത് .