ചെര്‍പ്പുളശ്ശേരി: ഐ.എസ് സംസ്ഥാന വ്യാപകമായി എ.എസ് സലഫിസം ഫാസിസം എന്ന പ്രമേയത്തെ അടിസ്ഥാനമാക്കി ഓഗസ്റ്റ്, സെപ്റ്റംബര്‍, ഒക്ടോബര്‍ മാസങ്ങളില്‍ നടത്തുന്ന ത്രൈ മാസ ക്യാംപയിനിന്റെ ഭാഗമായി ജില്ലാ സെമിനാര്‍ ഈ മാസം 31 ന് ബുധനാഴ്ച്ച രാവിലെ 9.30 മുതല്‍ രണ്ടു വരെ ചെര്‍പ്പുളശ്ശേരി മയ്യിത്തുംകര സി.എം ഓഡിറ്റോറിയത്തില്‍ നടക്കും.
ജില്ലാ പ്രസിഡന്റ് സയ്യിദ് ഇമ്പിച്ചക്കോയ തങ്ങള്‍ അധ്യക്ഷനാവും. എസ്.കെ.ജെ.എം.സി.സി പ്രസിഡന്റ് സി.കെ.എം സ്വാദിഖ് മുസ്‌ലിയാര്‍ ഉദ്ഘാടനം ചെയ്യും. സമസ്ത മുശാവറ മെമ്പര്‍ സയ്യിദ് കെ.പി.സി തങ്ങള്‍ പ്രാര്‍ഥനക്ക് നേതൃത്വം നല്‍കും. ചെര്‍പ്പുളശ്ശേരി മുനിസിപ്പല്‍ വൈസ് ചെയര്‍മാന്‍ കെ.കെ.എ അസീസ് അവാര്‍ഡ് വിതരണവും സമസ്ത മുശാവറ മെമ്പര്‍ നെല്ലായ കുഞ്ഞിമുഹമ്മദ് മുസ്‌ലിയാര്‍ ആതുര സേവന പദ്ധതി ഉദ്ഘാടനം ചെയ്യും.
ജി.എം സലാഹുദ്ദീന്‍ ഫൈസി വല്ലപ്പുഴ, ഹമീദ് ഫൈസി അമ്പലക്കടവ്, ഇ. അലവി ഫൈസി കുളപ്പറമ്പ്, നാസര്‍ ഫൈസി കൂടത്തായ്, പിണങ്ങോട് അബൂബക്കര്‍ എന്നിവര്‍ വിവിധ സെഷനുകളില്‍ സംസാരിക്കും. എം വീരാന്‍ ഹാജി, സി മുഹമ്മദലി ഫൈസി, സാദാലിയാഖത്തിഖാന്‍ ഹാജി, മുഹമ്മദ്കുട്ടി മാസ്റ്റര്‍, എം.പി.എ ഖാദര്‍ അന്‍വരി, ഖാജാ ദാരിമി, അബ്ദുല്‍ അസീസ് ഫൈസി, മുനാഫര്‍ ഒറ്റപ്പാലം സംസാരിക്കും. ജില്ലാ ജനറല്‍ സ്രെട്ടറി ടി.കെ മുഹമ്മദ്കുട്ടി ഫൈസി സ്വാഗതവും അബൂ സാലിഹ് അന്‍വരി ചളവറ നന്ദിയും പറഞ്ഞു.