ശബരിമല തീര്‍ഥാടകര്‍ സഞ്ചരിച്ച് ബസ് തോട്ടിലേക്ക് മറിഞ്ഞ് യാത്രക്കാര്‍ക്ക് പരുക്ക്

കോട്ടയം: ശബരിമല തീര്‍ത്ഥാടകര്‍ സഞ്ചരിച്ച ബസ് തോട്ടിലേക്ക് മറിഞ്ഞ് പത്തു പേര്‍ക്ക് പരുക്കറ്റു. പോണ്ടിച്ചേരിയില്‍നിന്നും ശബരിമലയിലേക്ക് പോയ തീര്‍ത്ഥാടകരാണ് ബസിലുണ്ടായിരുന്നത്. ആരുടെയും പരിക്ക് ഗുരുതരമല്ല.

ഇന്നലെ രാത്രി 11ഓടെയായിരുന്നു സംഭവം. ഈരാറ്റുപേട്ട തൊടുപുഴ റോഡില്‍ ചാലമറ്റത്തിനു സമീപമാണ് അപകടമുണ്ടായത്. രണ്ട് കുട്ടികളടക്കം 28 പേര്‍ ബസിലുണ്ടായിരുന്നു.

ബസ് നിയന്ത്രണംവിട്ട് തോട്ടിലേക്ക് മറിയുകയായിരുന്നു. പൊലിസിന്റെയും അഗ്‌നിശമനസേനയുടെയും നാട്ടുകാരുടെയും നേതൃത്വത്തില്‍ പരുക്കേറ്റവരെ ആശുപത്രികളിലേക്ക് മാറ്റി.