എരുമപ്പെട്ടി: ബന്ധുവായ വീട്ടമ്മയെ ലൈംഗികമായി പീഡിപ്പിക്കാന്‍ ശ്രമിച്ച യുവാവിനെ എരുമപ്പെട്ടി പൊലിസ് അറസ്റ്റ് ചെയ്തു. വേലൂര്‍ വെള്ളാറ്റഞ്ഞൂര്‍ ചെകോരത്ത് നിധിന്‍ (22)നെയാണ് എരുമപ്പെട്ടി എസ്.ഐ പി.ഡി അനൂപ്‌മോന്‍ അറസ്റ്റ് ചെയ്തത്.
ബന്ധുവിന്റെ വീട്ടില്‍ നടന്ന ആഘോഷ ചടങ്ങില്‍ പങ്കെടുത്ത് ജോലി സ്ഥലത്തേക്ക് പോവുകയായിരുന്ന വീട്ടമ്മയെ അടുത്ത ബന്ധുവായ നിധിന്‍ കൊണ്ടുവിടാമെന്ന് പറഞ്ഞ് ബൈക്കില്‍ കയറ്റുകയും വിജനമായ പ്രദേശത്ത് എത്തിയപ്പോള്‍ ബൈക്ക് നിര്‍ത്തി പീഡിപ്പിക്കാന്‍ ശ്രമിക്കുകയായിരുന്നു.
ചെറുത്ത് നിന്ന വീട്ടമ്മയെ ഇയാള്‍ മര്‍ധിച്ച് പരുക്കേല്‍പ്പിച്ചു. ഇയാളെ തള്ളിമാറ്റി ഓടി രക്ഷപ്പെട്ട ഇവര്‍ ജനവാസ പ്രദേശത്ത് എത്തിയപ്പോള്‍ നാട്ടുകാരെ വിരമറിയിക്കുകയായിരുന്നു.
സംഭവത്തിന് ശേഷം കടന്ന് കളഞ്ഞ നിധിനെ വീട്ടമ്മയുടെ പരാതി പ്രകാരം പൊലിസ് അറസ്റ്റ് ചെയ്യുകയായിരുന്നു.