പാലക്കാട് : മലമ്പുഴ വനത്തിനുള്ളില്‍ കുടുങ്ങിപ്പോയ പൊലിസ് ഉദ്യോഗസ്ഥരെ തിരികെയെത്തിച്ചു. മലമ്പുഴയില്‍ നിന്നും പോയ പ്രത്യേക ദൗത്യസംഘമാണ് ഇവരെ കണ്ടെത്തിയത്. കഞ്ചാവ് തോട്ടം കണ്ടെത്താനായി പോയ തണ്ടര്‍ ബോള്‍ട്ട് സംഘമാണ് വഴിതെറ്റി ഉള്‍വനത്തില്‍ കുടുങ്ങിയത്. ആന, പുലി ഉള്‍പ്പെടെയുള്ള വന്യമൃഗങ്ങളുടെ സാന്നിധ്യം കൂടുതലായുള്ള കാട്ടിലാണ് ഉദ്യോഗസ്ഥര്‍ അകപ്പെട്ടിരുന്നത്.