ഇലക്ട്രിക്ക് വാഹനങ്ങളുടെ ഏറ്റവും മത്സരാധിഷ്ഠിതമായ വിപണിയായ ഇന്ത്യയിലേക്ക് ഒരു പുത്തന്‍ കാര്‍ കൂടി അവതരിക്കുകയാണ്.അഹമ്മദാബാദില്‍ നിന്നുള്ള സോളാര്‍ കമ്പനിയായ ജെന്‍സോളാണ് മാര്‍ക്കറ്റിലേക്ക് ജെന്‍സോള്‍ എന്ന ഇ.വി അവതരിപ്പിക്കാനൊരുങ്ങുന്നത്. അടുത്ത വര്‍ഷം മാര്‍ച്ചോടെയായിരിക്കും ബ്രാന്‍ഡിന്റെ ആദ്യ ഇ.വി മാര്‍ക്കറ്റിലേക്കെത്തുക എന്നാണ് പ്രതീക്ഷിക്കപ്പെടുന്നത്.

വാഹനത്തിന് ഹൈപ്പ് കൂട്ടാനായി കമ്പനി ഇ.വിയുടെ ടീസര്‍ ഇതിനോടകം തന്നെ സാമൂഹ്യ മാധ്യമങ്ങളിലൂടെ പുറത്ത് വിട്ടിട്ടുണ്ട്. റിയര്‍ വീല്‍ അടക്കമുള്ള കാറിന് വലിയ ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം,വലിയ ബൂട്ട് സ്‌പേസ്, ഇന്‍കാബിന്‍ ഡ്രൈവര്‍ അസിസ്റ്റന്‍സ് ടെക്‌നോളജി, പൂര്‍ണമായി സജ്ജീകരിച്ച ടെക്‌നോളജി സ്റ്റാക്ക്, AI അടിസ്ഥാനമാക്കിയുള്ള ക്ലൗഡ് അനലിറ്റിക്‌സ് മുതലായ ഫീച്ചറുകള്‍ കമ്പനി വാഗ്ധാനം ചെയ്യുന്നുണ്ട്.

ഒറ്റത്തവണ ചാര്‍ജ് ചെയ്താല്‍ ഏകദേശം 200 കി.മീ വരെ വാഹനത്തിന് സഞ്ചരിക്കാന്‍ സാധിക്കുമെന്നാണ് കമ്പനി അവകാശപ്പെടുന്നത്. കൂടാതെ 80 കി.മീ വരെ പരമാവധി വേഗതയില്‍ സഞ്ചരിക്കാനും ജെന്‍സോളിന് സാധിക്കും.വാഹനം പുറത്തിറങ്ങുമ്പോള്‍ അഞ്ച് ലക്ഷമോ അല്ലെങ്കില്‍ അതിനടുത്ത വിലയോ ആയിരിക്കും ജെന്‍സോളിന് എക്‌സ് ഷോറൂം വില വരിക എന്നാണ് പുറത്ത് വരുന്ന റിപ്പോര്‍ട്ടുകള്‍.

Content Highlights:Gensol teases Made in India electric car coming next year