മസ്കറ്റ്:സമസ്ത ഇസ്ലാമിക് സെൻറർ (എസ്.ഐ.സി) മബേല ഏരിയ കമ്മറ്റിയുടെ ആഭിമുഖ്യത്തിൽ മാസാന്ത മജ്ലിസുന്നൂർ ആത്മീയ സദസ്സും ദുആ മജ്ലിസും സംഘടിപ്പിച്ചു. മബെല ഇന്ത്യൻ സ്കൂളിന് സമീപമുള്ള ത്വവാബ് ജുമാ മസ്ജിദിൽ നടന്ന സദസ്സ് എസ്കെഎസ്എസ്എഫ് സംസ്ഥാന ജനറൽ സെക്രട്ടറി റഷീദ് ഫൈസി വെള്ളായിക്കോട് ഉദ്ഘാടനം ചെയ്തു.

സയ്യിദ് എ.കെ. കെ തങ്ങൾ അധ്യക്ഷത വഹിച്ചു. സമസ്ത നാഷണൽ കമ്മിറ്റി വർക്കിംഗ് സെക്രട്ടറി അബ്ദു ഷുക്കൂർ ഹാജി, നാഷണൽ ഓർഗനൈസർ കെ എൻ എസ് മൗലവി, മസ്കറ്റ് കെഎംസിസി വർക്കിംഗ് സെക്രട്ടറി ഇബ്രാഹിം ഒറ്റപ്പാലം, ഏരിയ പ്രസിഡണ്ട് ഇബ്രാഹിം മാടന്നൂർ,ശരീഫ് തിരൂർ എന്നിവർ സംബന്ധിച്ചു.എസ്കെഎസ്എസ്എഫ് സംസ്ഥാന ജനറൽ സെക്രട്ടറി റഷീദ് ഫൈസി വെള്ളായിക്കോഡിനെ മബെല ഏരിയ എസ് കെ എസ് എസ് എഫ് ഭാരവാഹികളായ നൗഫൽ വാഫി, റംഷാദ് താമരശ്ശേരി, മുർഷിദ് തങ്ങൾ എന്നിവർ ചേർന്ന് ആദരിച്ചു.എസ്.ഐ.സി ഏരിയ സെക്രട്ടറി അബ്ദുസ്സലാം സ്വാഗതവും ട്രഷറർ റാഷിദ് തിരുവള്ളൂർ നന്ദിയും പറഞ്ഞു.