തൃശൂരിൽ മദ്യപിച്ചെത്തിയ മകൻ അമ്മയെ വെട്ടിക്കൊന്നു

തൃശൂർ: തൃശൂരിൽ മദ്യപിച്ചെത്തിയ മകൻ അമ്മയെ വെട്ടിക്കൊന്നു. കൈപ്പറമ്പിലാണ് അമ്മയെ മകൻ വെട്ടിക്കൊന്നത്. എടക്കളത്തൂർ സ്വദേശിനിയായ ചന്ദ്രമതി (68) ആണ് കൊല്ലപ്പെട്ടത്. സംഭവത്തിൽ മകൻ സന്തോഷിനെ പൊലിസ് അറസ്റ്റ് ചെയ്തു. പേരാമംഗലം പൊലിസ് അന്വേഷണം ആരംഭിച്ചു.

മദ്യപിച്ചെത്തിയ മകൻ വെട്ടുകത്തി കൊണ്ട് അമ്മയെ വെട്ടി പരിക്കേൽപ്പിക്കുകയായിരുന്നു. പരിക്കേറ്റ ചന്ദ്രമതിയെ ഉടൻ മെഡിക്കൽ കോളേജിൽ പ്രവേശിപ്പിച്ചെങ്കിലും പിന്നീട് മരിക്കുകയായിരുന്നു. സംഭവത്തിന് പിന്നാലെ പൊലിസ് മകൻ സന്തോഷിനെ പിടികൂടി.