കൊട്ടാരക്കര: ജമ്മു കശ്മീരിലെ തീവ്രവാദികളുമായി ഏറ്റുമുട്ടി വീരമൃത്യു വരിച്ചവരില്‍ മലയാളി സൈനികനും. ഇന്ന് രാവിലെ പൂഞ്ചിലായിരുന്നു ഏറ്റുമുട്ടല്‍.
കൊല്ലം കൊട്ടാരക്കര ഓടനാവട്ടം സ്വദേശി വൈശാഖ് ആണ് മരിച്ചത്.
സുരാന്‍കോട്ട് മേഖലയില്‍ തീവ്രവാദികളുടെ സാന്നിധ്യമുണ്ടെന്ന ഇന്റലിജന്‍സ് റിപ്പോര്‍ട്ടിനെ തുടര്‍ന്നാണ് സൈന്യം തെരച്ചിലിനിറങ്ങിയത്. തീവ്രവാദികളുള്ള മേഖല സൈന്യം വളയുകയും ചെയ്തു.

ഇതിനിടെ തീവ്രവാദികളുടെ ഭാഗത്തുനിന്നും കനത്ത വെടിവെപ്പുണ്ടാകുകയായിരുന്നു. നാല് ജവാന്മാര്‍ക്കും ഒരു സൈനിക ഓഫിസര്‍ക്കുമാണ് ഗുരുതര പരിക്കേറ്റത്. ഇവരെ ഉടന്‍ അടുത്തുള്ള മെഡിക്കല്‍ ക്യാമ്പിലേക്ക് മാറ്റിയെങ്കിലും മരിച്ചു.