ശ്രീനഗര്‍: ജമ്മു കശ്മിരില്‍ ഭീകരര്‍ക്ക് ശക്തമായി തിരിച്ചടി നല്‍കി സൈന്യം. ലഷ്‌ക്കര്‍ കമാന്‍ഡര്‍ അടക്കം അഞ്ച്ഭീകരരെ സൈന്യം വധിച്ചു. ഷോപ്പിയാനിലെ തുള്‍റാനിലെ ഇമാംസഹബ് ഏരിയയിലാണ് സൈന്യവും ഭീകരരും തമ്മില്‍ ഏറ്റുമുട്ടലുണ്ടായത്.

ഇന്നലെ പൂഞ്ചിലെ വനമേഖലയില്‍ സൈന്യവും തീവ്രവാദികളും തമ്മിലുണ്ടായ ഏറ്റുമുട്ടലില്‍ മലയാളി സൈനികന്‍ എച്ച് വൈശാഖ് അടക്കം അഞ്ച് പേര്‍ മരണപ്പെട്ടിരുന്നു.

ഭീകരര്‍ ഒളിച്ചിരിക്കുന്നു എന്ന രഹസ്യവിവരത്തെത്തുടര്‍ന്ന് നടത്തിയ തെരച്ചിലിനിടെയാണ് ഭീകരരുടെ ആക്രമണം ഉണ്ടായത്.