തങ്ങളുടെ കാലിനു കീഴെ ഹമാസ് തുരങ്കം നിര്‍മിച്ചതറിയാതെ ഇസ്‌റാഈല്‍!; എങ്ങിനെ ഇവരിത് തീര്‍ത്തെന്ന് അതിശയിച്ച് ലോകത്തിലെ ഏറ്റവും 'കരുത്തരായ' സൈന്യം

ഗസ്സ സിറ്റി: ഇസ്റാഈല്‍ അതിര്‍ത്തിയില്‍ നിന്ന് വെറും 400 മീറ്റര്‍ ദൂരെ അതായത് ഒരു 1300 അടി ദൂരത്തില്‍. നാല് കിലോമീറ്റര്‍ നീളമുള്ള, ചെറു വാഹനങ്ങള്‍ക്ക് വരെ കടന്നു പോവാന്‍ കഴിയുന്ന, വൈദ്യുതി, ഡ്രെയിനേജ്, വെന്റിലേഷന്‍, ആശയവിനിമയം നടത്തുന്നതിനുള്ള സംവിധാനങ്ങള്‍, റെയിലുകള്‍ തുടങ്ങിയ സൗകര്യങ്ങളുള്ള ഹമാസിന്റെ തുരങ്കം. ആശയക്കുഴപ്പത്തിലാണ് ഇസ്റാഈല്‍. ഒരൊച്ച പോലും കേള്‍പ്പിക്കാതെ എങ്ങനെ സാധിച്ചെടുത്തു ഇവന്‍മാരിതെന്ന്.

ഇസ്റാഈല്‍ പ്രതിരോധ മന്ത്രി തന്നെ ഈ ടണലിനെ കുറിച്ച് ആശയക്കുഴപ്പത്തിലാണ്. 'കോട്ട കെട്ടി സുരക്ഷിതമാക്കപ്പെട്ട ഈറസില്‍ നിന്ന് വെറും 400 മീറ്റര്‍ അകലെ ഈ വലിയ തുരങ്കം കുഴിച്ചത് ആരാണ്? എത്ര വര്‍ഷമെടുത്തിട്ടുണ്ടാവും? അവരുടെ ശബ്ദം നമ്മള്‍ എങ്ങനെ കേള്‍ക്കാതെ പോയി? നമ്മള്‍ കാണാതെ എത്ര ടണ്‍ മണലാണ് അവര്‍ പുറത്തെടുത്തത്? എത്രയോ പോരാളികള്‍ രാവും പകലും വിശ്രമമില്ലാതെ അവിടെ പ്രവര്‍ത്തിച്ചു. എത്ര, എത്ര, എത്ര?' പ്രതിരോധ മന്ത്രി ഗാലന്റ് ചോദിക്കുന്നു. ഈ തുരങ്കത്തിന്റെ വിജയമാണ് ഒക്ടോബര്‍ 7 എന്ന വലിയരഹസ്യത്തിന്റെ താക്കോല്‍ എന്നും പ്രതിരോധ മന്ത്രി പറഞ്ഞു വെക്കുന്നു.

EXPOSED: The biggest Hamas terrorist tunnel discovered.

This massive tunnel system branches out and spans well over four kilometers (2.5 miles). Its entrance is located only 400 meters (1,310 feet) from the Erez Crossing—used by Gazans on a daily basis to enter Israel for work… pic.twitter.com/RcjK5LbvGL

— Israel Defense Forces (@IDF) December 17, 2023

ഞായറാഴ്ചയാണ് ഹമാസിന്റെ തുരങ്കം കണ്ടെത്തിയ വാര്‍ത്ത ഇസ്റാഈല്‍ പുറത്തു വിട്ടത്. ചെറിയ വാഹനങ്ങള്‍ക്ക് കടന്നു പോകാന്‍ സാധിക്കുന്ന തരത്തിലുള്ള വലിപ്പം ഉള്ള തുരങ്കമാണ് ഇത്. വൈദ്യുതി, ഡ്രെയിനേജ്, വെന്റിലേഷന്‍, ആശയവിനിമയം നടത്തുന്നതിനുള്ള സംവിധാനങ്ങള്‍, റെയിലുകള്‍ തുടങ്ങിയ സൗകര്യങ്ങളുണ്ട് ഇവിടെ. കോടിക്കണക്കിന് രൂപ തുരങ്ക നിര്‍മ്മാണത്തിന് ചെലവായിട്ടുണ്ടെന്നും, വര്‍ഷങ്ങളെടുത്താണ് ഇത്ര നീളത്തിലുള്ള തുരങ്കം നിര്‍മ്മിച്ചതെന്നും സൈന്യം പറയുന്നു.

നാല് കിലോമീറ്ററിലധികം ദൂരമുള്ള ടണലാണ് ഇപ്പോള്‍ കണ്ടെത്തിയിരിക്കുന്നത്. എറെസ് ക്രോസിംഗില്‍ നിന്ന് 400 മീറ്റര്‍ അകലെ മാറിയാണ് ഈ തുരങ്കത്തിന്റെ പ്രവേശന കവാടം. ഹമാസ് നേതാവ് യഹിയ സിന്‍വാറിന്റെ സഹോദരനും, ഖാന്‍ യൂനിസ് ബറ്റാലിയന്‍ കമാന്‍ഡറുമായ മുഹമ്മദ് സിന്‍വാറിന്റെ നേതൃത്വത്തിലാണ് ഈ തുരങ്കം നിര്‍മ്മിച്ചതെന്നും ഇസ്റാഈല്‍ പറയുന്നു. ഐഡിഎഫിന്റെ സമൂഹമാധ്യമ അക്കൗണ്ടുകളിലടക്കം ഈ തുരങ്കത്തിന്റെ വീഡിയോയും സൈന്യം പങ്കുവച്ചിരുന്നു.

അതിനിടെ ഹമാസ് സൈന്യത്തിന് നല്‍കുന്ന തിരിച്ചടികള്‍ തുടരുകയാണ്.കഴിഞ്ഞ ദിവസം ഗസ്സയില്‍ നാലു സൈനികര്‍ കൂടി കൊല്ലപ്പെട്ടിരുന്നു. ഐ.ഡി.എഫ് തന്നെയാണ് ഇക്കാര്യം പുറത്തു വിട്ടത്. രൂക്ഷ ആക്രമണം നടക്കുന്ന തെക്കന്‍ ഗസ്സയിലാണ് സൈനികര്‍ കൊല്ലപ്പെട്ടത്.കഴിഞ്ഞ ദിവസം പരുക്കേറ്റ സൈനികനാണ് മരിച്ചവരില്‍ ഒരാള്‍. മാത്രമല്ല, ഇവിടെ ഏതാനും സൈനികര്‍ക്ക് പരിക്കേല്‍ക്കുകയും ചെയ്തിട്ടുണ്ട്.

ഗസ്സയില്‍ ഇസ്‌റാഈലിന് ഒരു മുന്നേറ്റവും ഉണ്ടാക്കാന്‍ കഴിഞ്ഞില്ലെന്ന് മുന്‍ സൈനിക മേജര്‍ ജനറലും ദേശീയ സുരക്ഷ ഉപദേഷ്ടാവുമായിരുന്ന യാക്കോവ് അമിദ്രോര്‍ പറയുന്നു. തുരങ്ക ശൃംഖലക്ക് മുന്നില്‍ എന്തുചെയ്യുമെന്ന് ഒരു പിടിയുമില്ലെന്നും അദ്ദേഹം പറഞ്ഞു.

Nazi War Minister Gallant stands puzzled: Which men dug this huge tunnel 400 meters from Erez's fortified position? How many years did it take? How did we not hear their voice? How many tons of sand did they take out that we didn't see? How many fighters worked there day and night tirelessly? How much, how much, how much?
The success of this tunnel is the key to the great secret of October 7th.