കുവൈത്തിന് ഇനി പുതിയമുഖം; അമീർ ഷെയ്ഖ് മിഷാലിന്റെ സത്യപ്രതിജ്ഞ ഇന്ന്

കുവൈത്ത് സിറ്റി: കുവൈത്ത് അമീർ ഹിസ് ഹൈനസ് ഷെയ്ഖ് മിഷാൽ അൽ അഹ്‌മദ്‌ അൽ ജാബിർ അൽ സബാഹ് ഇന്ന് സത്യപ്രതിജ്ഞ ചെയ്യും. ബുധനാഴ്ച്ച ചേരുന്ന പ്രത്യേക നാഷണൽ അസംബ്ലി യോഗത്തിലാകും സത്യപ്രതിജ്ഞ ചെയ്യുക. രാ​വി​ലെ 10 മണിക്കാണ് സത്യപ്രതിജ്ഞ ചടങ്ങുകൾക്ക് തുടക്കമാവുക.

കു​വൈ​ത്തി​ലെ 17ാമ​ത്തെ അ​മീ​റാ​യാ​ണ് ശൈ​ഖ് മി​ശ്അ​ൽ അ​ധി​കാ​ര​മേ​ൽ​ക്കു​ന്ന​ത്. ബുധനാഴ്ച്ച രാവിലെ 10 മണിയ്ക്കാണ് കുവൈത്ത് നാഷണൽ അസംബ്ലി പ്രത്യേക യോഗം ചേരുന്നത്. കുവൈത്തിലെ പുതിയ അമീറായി ഔദ്യോഗിക ചുമതലകൾ നിർവഹിക്കുന്നതിന് മുൻപായി നിയുക്ത അമീർ ദേശീയ അസംബ്ലിയിൽ സത്യപ്രതിജ്ഞ ചെയ്യേണ്ടതുണ്ട്. സ​മ്മേ​ള​ന​ത്തി​നു​ള്ള പ്ര​ത്യേ​ക ക്ഷ​ണം സ്പീ​ക്ക​ർ അ​ഹ​മ്മ​ദ് അ​ൽ സ​ദൂ​ൻ ക​ഴി​ഞ്ഞ ദി​വ​സം പു​റ​പ്പെ​ടു​വി​ച്ചി​രു​ന്നു. പു​തി​യ അ​മീ​റാ​ണ് കി​രീ​ടാ​വ​കാ​ശി​യെ​യും നി​യ​മി​ക്കു​ക. ഇ​തി​ന് ഒ​രു വ​ർ​ഷം വ​രെ സ​മ​യ​മു​ണ്ട്.

കുവൈത്ത് അമീർ ഷെയ്ഖ് നവാഫ് അൽ അഹ്മദ് അൽ ജാബിർ അൽ സബാഹിന്റെ നിര്യാണത്തെ തുടർന്നാണ് ഷെയ്ഖ് മിഷാലിനെ കുവൈറ്റ് അമീറായി ക്യാബിനറ്റ് പ്രഖ്യാപിച്ചത്. കി​രീ​ടാ​വ​കാ​ശി​യു​ടെ പ​ദ​വി​ക​ൾ വ​ഹി​ച്ചു​വ​ന്നി​രു​ന്ന ശൈ​ഖ് മി​ശ്അ​ൽ, മു​ൻ അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്‍റെ നി​ര്യാ​ണ​ത്തി​ന് പി​റ​കെ പി​ന്തു​ട​ർ​ച്ചാ​വ​കാ​ശ നി​യ​മ​ത്തി​ന് അ​നു​സൃ​ത​മാ​യി അ​മീ​റാ​യി മ​ന്ത്രി​സ​ഭ പ്ര​ഖ്യാ​പിക്കുകയായിരുന്നു.