കാലിക്കറ്റ് സെനറ്റ് യോഗത്തിനിടെ കൈയ്യാങ്കളി;ഗവര്‍ണറുടെ നോമിനികളെ എസ്.എഫ്.ഐ പ്രവര്‍ത്തകര്‍ തടഞ്ഞു

മലപ്പുറം: കാലിക്കറ്റ് സര്‍വകലാശാല സെനറ്റ് യോഗത്തിനെത്തിയ ഗവര്‍ണറുടെ നോമിനികളെ എസ്.എഫ്.ഐ പ്രവര്‍ത്തകര്‍ തടഞ്ഞു. ഇതേതുടര്‍ന്ന് സ്ഥലത്ത് സംഘര്‍ഷമുണ്ടായി. ഗവര്‍ണര്‍ നോമിനേറ്റ് ചെയ്ത പുതിയ അഞ്ച് അംഗങ്ങളെയാണ് തടഞ്ഞത്.സംഘ്പരിവാര്‍ ബന്ധം ആരോപിച്ചാണ് പ്രതിഷേധം. സി.പി.എം, ലീഗ്, കോണ്‍ഗ്രസ് നോമിനികളെ പ്രവേശിപ്പിച്ചു. രാവിലെ എട്ടേമുക്കാലോടെയാണ് എസ്.എഫ്.ഐ പ്രതിഷേധം ആരംഭിച്ചത്.

പ്രവീണ്‍ കുമാര്‍, മനോജ് സി, ഹരീഷ് എ.വി, അഫ്‌സല്‍ ഗുരുക്കള്‍, ബാലന്‍ പൂത്തേരി എന്നിവരെയാണ് തടഞ്ഞ്. സെനറ്റ് ഹാളിന് അകത്ത് കയറാനുള്ള രണ്ട് ഭാഗങ്ങളിലും പ്രവര്‍ത്തകര്‍ പ്രതിരോധം തീര്‍ത്തിരുന്നു. ഇവരെ ബലം പ്രയോഗിച്ച് നീക്കാനുള്ള പൊലിസ് ശ്രമം സ്ഥലത്ത് സംഘര്‍ഷത്തിന് വഴിവച്ചു.