ചെക്ക് റിപ്പബ്ലിക്കിലെ ചാള്‍സ് യൂനിവേഴ്‌സിറ്റിയില്‍ വന്‍ വെടിവയ്പ്; 10 മരണം

പ്രാഗ്: ചെക് റിപ്പബ്ലിക്കിലെ പ്രാഗില്‍ യൂണിവേഴ്‌സിറ്റിയിലുണ്ടായ വെടിവയ്പ്പില്‍ 11 പേര്‍ കൊല്ലപ്പെട്ടതായി റിപ്പോര്‍ട്ട്. നിരവധി പേര്‍ക്ക് പരുക്കേറ്റു. ചാള്‍സ് യൂണിവേഴ്‌സിറ്റിയുടെ ഫാക്കല്‍റ്റി ഓഫ് ആര്‍ട്‌സിലാണ് വെടിവയ്പ്പുണ്ടായത്. സംഭവ സ്ഥലത്തെത്തിയ പൊലീസ് തുടര്‍നടപടികള്‍ സ്വീകരിച്ചുവരികയാണ്.

വെടിവയ്പ്പുണ്ടായതിനെത്തുടര്‍ന്ന് വിദ്യാര്‍ഥികളുള്‍പ്പെടെയുള്ളവര്‍ ഓടി രക്ഷപ്പെടുന്നതിന്റെ ദൃശ്യങ്ങള്‍ പുറത്തുവന്നു. അക്രമിയെ വെടിവച്ചുകൊന്നതായി പൊലീസ് അറിയിച്ചു. എത്രപേര്‍ കൊല്ലപ്പെട്ടുവെന്ന് സ്ഥിരീകരിക്കാനായില്ലെന്ന് പൊലീസ് അറിയിച്ചു. വീടുകളില്‍ നിന്ന് ആളുകള്‍ പുറത്തിറങ്ങരുതെന്നും പൊലീസ് നിര്‍ദേശം നല്‍കി.