കോട്ടയം: കനത്ത മഴയിലും മലവെള്ളപ്പാച്ചിലിലും നിലംപൊത്തി വീടുകള്‍. ുണ്ടക്കയത്ത് മലവെള്ളപ്പാച്ചിലില്‍ ഇരുനില വീട് ഒന്നാകെ പുഴയിലേക്ക് മറിഞ്ഞുവീഴുന്നതിന്റെ ഞെട്ടിക്കുന്ന ദൃശ്യങ്ങള്‍ പുറത്തുവന്നു.

 

ഞായറാഴ്ച രാവിലെ മുണ്ടക്കയം കൂട്ടിക്കലിലുള്ള വീടാണ് മലവെള്ളപ്പാച്ചിലില്‍ ഒഴുകിപ്പോയത്. അപകടസാധ്യത ഉണ്ടെന്ന മുന്നറിയിപ്പിനെ തുടര്‍ന്ന് വീട്ടുകാരെ നേരത്തെ സുരക്ഷിത സ്ഥാനത്തേക്ക് മാറിയിരുന്നു.

 

വീടിനു പിന്നിലൂടെയാണ് പുഴ ഒഴുകിയിരുന്നത്. കനത്ത മഴയില്‍ പുഴ കരകവിഞ്ഞു. വെള്ളം കുത്തിയൊലിച്ച് വന്നതോടെ വീടിനു പിന്‍ഭാഗത്തെ മണ്ണൊലിച്ച് പോവുകയായിരുന്നു, പിന്നാലെ വീടും വെള്ളത്തിലേക്ക് കൂപ്പുകുത്തി.