ഇടുക്കി: നിലവിലെ നീരൊഴുക്ക് തുറന്നാല്‍ ഇടുക്കി ഡാമും തുറക്കേണ്ടിവരുമെന്ന് വൈദ്യുതി മന്ത്രി കെ. കൃഷ്ണന്‍കുട്ടി. പ്രതികൂല കാലാവസ്ഥ തുടര്‍ന്നാല്‍ ഡാം തുറക്കാതെ മറ്റുവഴികളില്ല. എല്ലാ ഡാമുകളും ഒരുമിച്ച് തുറക്കാതെ നോക്കുമെന്നും മന്ത്രി പറഞ്ഞു.

ഇടുക്കി ഡാമില്‍ ഓറഞ്ച് അലര്‍ട്ട് നില്‍ക്കുകയാണ്. 2397.14 ആണ് നിലവില്‍ ജലനിരപ്പ്. സംഭരണ ശേഷിയുടെ 93.17 ശതമാനം വെള്ളം നിറഞ്ഞു.

2398 അടി ആയാല്‍ റെഡ് അലര്‍ട്ട് പ്രഖ്യാപിക്കും. തിങ്കളാഴ്ച്ച രാത്രി മഴ പെയ്താല്‍ സ്ഥിതിഗതികള്‍ നിയന്ത്രിക്കാനായില്ല. ഈ സാഹചര്യം വന്നാല്‍ ഷട്ടറുകള്‍ തുറക്കേണ്ടിവരുമെന്നും മന്ത്രി പറഞ്ഞു.