Prices of essential goods are soaring in Kuwait

കുവൈത്ത് സിറ്റി: രാജ്യത്ത് നിത്യോപയോഗ സാധനങ്ങളുടെ അടക്കം വില അനിയന്ത്രിതമായി വർധിക്കുന്നതായി റിപ്പോർട്ട്. പ്രാദേശിക വിപണികളിൽ കൃത്രിമ വിലക്കയറ്റം സൃഷ്‌ടിക്കുന്നവർക്കെതിരെ ശക്തമായ മുന്നറിയിപ്പുമായി അധികൃതർ. ആവശ്യസാധനങ്ങൾക്കു കൃതിമമായി വില വർധിപ്പിക്കുന്നത് സാധാരണക്കാരെയടക്കം സാരമായി ബാധിച്ചിട്ടുണ്ട്. ഫ്രോസൺ കോഴിയിറച്ചിയുടെ വില ഒരു കാർട്ടണിന് 8.900 KD മുതൽ 15.900 KD വരെ പ്രാദേശിക വിപണികളിൽ വർധിച്ചതായി കണ്ടെത്തിയിട്ടുണ്ടെന്ന് കുവൈത്ത് സൊസൈറ്റി ഫോർ കൺസ്യൂമർ പ്രൊട്ടക്ഷൻ ചെയർപേഴ്സൺ ഖാലിദ് അൽ സുബൈ പറഞ്ഞു. അൽ-സുബൈയുടെ അഭിപ്രായത്തിൽ, ചായയുടെ 400 ഗ്രാം വില KD1.215 ൽ നിന്ന് KD2.565 ആയി വർദ്ധിച്ചു, അതേസമയം 400 ഗ്രാം ഗ്രാമിൽ നിന്ന് 350 ഗ്രാമായി തൂക്കം കുറഞ്ഞിട്ടുമുണ്ട്. വാഷിംഗ് പൗഡറിന്റെ വില ഏകദേശം 20 ശതമാനം വർദ്ധിച്ചു.

ഉൽപന്നങ്ങളുടെ വില വർധിപ്പിക്കാൻ വിതരണക്കാരെ അനുവദിക്കരുതെന്നും വില വർധിപ്പിച്ച വിതരണക്കാരെക്കുറിച്ചുള്ള വിവരങ്ങൾ വാണിജ്യ-വ്യവസായ മന്ത്രാലയത്തിന് നൽകാനും ഉപഭോക്തൃ സഹകരണ സംഘങ്ങളുടെ യൂണിയന് കത്തയച്ചതായി വാണിജ്യ, വ്യവസായ മന്ത്രാലയ വൃത്തങ്ങൾ വെളിപ്പെടുത്തി. കൃത്രിമ വിലക്കയറ്റം സൃഷ്ടിക്കുന്നവർക്കെതിരെ തെളിവുകൾ സഹിതം ആവശ്യമായ നടപടി സ്വീകരിക്കാനും പ്രാദേശിക വിപണികളിൽ നിയന്ത്രണം കർശനമാക്കാനും വാണിജ്യ, വ്യവസായ മന്ത്രി മുഹമ്മദ് അൽ-ഐബാൻ മന്ത്രാലയത്തിലെ വാണിജ്യ നിയന്ത്രണ, ഉപഭോക്തൃ സംരക്ഷണ മേഖലയോട് നേരത്തെ നിർദ്ദേശം നൽകിയിരുന്നു.