കോട്ടയം :കോട്ടയം ജില്ലയില്‍ 33 ഇടങ്ങളില്‍ മണ്ണിടിച്ചില്‍ സാധ്യതയുണ്ടെന്ന് അധികൃതര്‍ അറിയിച്ചു. നെടുഭാഗം, കൂട്ടിക്കല്‍ , മൂന്നിലവ്, തലനാട് , തീക്കോയി പൂഞ്ഞാര്‍ തെക്കേക്കര, വില്ലേജുകളിലുള്ള പ്രദേശങ്ങളില്‍ സാധ്യതയുണ്ടെന്നാണ് മുന്നറിയിപ്പ്. ഈ പ്രദേശത്തുള്ളവരോട് ക്യാമ്പുകളിലേക്ക് മാറാന്‍ അധികൃതര്‍ നിര്‍ദേശിച്ചു. വരുന്ന രണ്ട് ദിവസം ശക്തമായ മഴ ഉണ്ടാകാന്‍ സാധ്യതയുള്ളതിനാലാണ് മുന്നറിയിപ്പ് നല്‍കിയത്. പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട് എന്നീ ജില്ലകളില്‍ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.