തിരുവനന്തപുരം: മഴക്കെടുതിയില്‍ മരിച്ചവരുടെ കുടുംബങ്ങള്‍ക്ക് ആദരാഞ്ജലി അര്‍പ്പിച്ച് കേരളാ നിയമസഭ. സഭ എഴുന്നേറ്റ് നിന്ന് മരിച്ചവര്‍ക്ക് ശ്രദ്ധഞ്ജലി അര്‍പ്പിച്ചു. ദിരിത ബാധിതരുടെ കുടുംബാംഗങ്ങളെ കൈവിടില്ലെന്ന് മുഖ്യമന്ത്രി പിണറായി വിജയന്‍ സഭയില്‍ പറഞ്ഞു. അവരുടെ ദുഃഖത്തില്‍ വിങ്ങുന്ന ഹൃദയവുമായി സഭയും പങ്കുചേരുന്നുവെന്നും മുഖ്യമന്തി കൂട്ടിച്ചേര്‍ത്തു.

39 പേരാണ് മഴക്കെടുതിയില്‍ ഒരാഴ്ചക്കിടെ മരിച്ചത്. ആറുപേരെ കാണാതായി. 217 വീടുകള്‍ പൂര്‍ണമായും തകര്‍ന്നു. 1393 വീടുകള്‍ക്ക് ഭാഗിക നാശം. 304 ക്യാംപുകളിലായി 3851 കുടംബങ്ങളുണ്ടെന്നും ുക്യമന്ത്രി സഭയെ അറിയിച്ചു. ദുരന്ത നിവാരണ പ്രവര്‍ത്തനത്തിന് നേവി, എയര്‍ഫോഴ്‌സ് ഹെലികോപ്റ്ററുകള്‍ സജ്ജമാണെന്നും മുഖ്യമന്ത്രി വ്യക്തമാക്കി. നിലവില്‍ 11 എന്‍ഡിആര്‍എഫ് സംഘങ്ങള്‍ സംസ്ഥാനത്ത് ക്യാംപ് ചെയ്യുന്നുണ്ടെന്നും അദ്ദേഹം അറിയിച്ചു. ഡാമുകളിലെ ജലം നിയന്ത്രിത അളവില്‍ തുനറന്നു വിടുന്നുണ്ടെന്ന് പറഞ്ഞ മുഖ്യമന്ത്രി കാലം തെറ്റി എത്തുന്ന പ്രകൃതി ദുരന്തങ്ങള്‍ വലിയ നാശനഷ്ടങ്ങളുണ്ടാക്കിയെന്നും കൂട്ടിച്ചേര്‍ത്തു. സഭ ഇന്നത്തേക്ക് പിരി#്ഞു. ഇനി തിങ്കളാഴ്ചയാണ് സഭ ചേരുക.