ആലുവ: സമൂഹത്തില്‍ സേവന സന്നദ്ധരായ യുവാക്കളെ ആതുര സേവന രംഗത്ത് കൂടി പ്രാപ്തരാക്കുവാന്‍ സന്നദ്ധ സംഘടനകള്‍ തയ്യാറാവണമെന്ന് എസ്.കെ.എസ്.എസ്.എഫ്. സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ഷിഹാബ് തങ്ങള്‍ പറഞ്ഞു. എസ്.കെ.എസ്.എസ്.എഫ് ആലുവ മേഖല കമ്മിറ്റി ആരംഭിക്കുന്ന സഹചാരി സെന്ററിന്റെ ഫണ്ട് ശേഖരണോദ്ഘാടനം നിര്‍വഹിച്ച് സംസാരിക്കുകയായിരുന്നു തങ്ങള്‍.
ഫാത്തിമ ഗ്രാനൈറ്റ് എം.ഒ ആഷിഖില്‍ നിന്നും ആദ്യ ഫണ്ട് തങ്ങള്‍ ഏറ്റുവാങ്ങി. മേഖലാ പ്രസിഡന്റ് ഉസ്മാന്‍ ഫൈസിയുടെ അധ്യക്ഷതയില്‍ കൂടിയ യോഗത്തില്‍ ജില്ലാ സെക്രട്ടറി ഫൈസല്‍ കങ്ങരപ്പടി, സുഹാനി ഫൈസി, ഷാജഹാന്‍ ഖാസിമി, ബഷീര്‍ ഫൈസി, അലി റഹ്മാനി, ഷെഫീഖ് റഹ്മാനി, അബ്ദുള്ള ഇസ്‌ലാമിയ, സിദ്ദീഖ് കഴുവേലിപ്പടി, അജാസ് എടത്തല, അഷറഫ് തടിക്കക്കടവ്, നാസര്‍ തോട്ടുംമുഖം, നിഷാദ് കുഞ്ചാട്ടുകര, മുസ്തഫ കമാല്‍ ചാലക്കല്‍, അബ്ദുള്‍ മലിക് പേങ്ങാട്ടുശ്ശേരി, അബ്ദുള്‍സലാം ഇസ്ലാമിയ, സാനിഫ് അലി, നിസാര്‍ എടത്തല തുടങ്ങിയവര്‍ സംസാരിച്ചു.