വയറിന്റെ ആരോഗ്യം സംരക്ഷിക്കാനുള്ള മികച്ച വഴിയായാണ് 'ഫാസ്റ്റിംഗിനെ' ആരോഗ്യ വിദഗ്ധര്‍ കണക്കാക്കുന്നത്.ഭക്ഷണ രീതിയില്‍ മാറ്റങ്ങള്‍ വരുത്തി വയറിന്റെ ആരോഗ്യം സംരക്ഷിക്കുന്ന രീതി നൂറ്റാണ്ടുകളായി മനുഷ്യര്‍ പിന്തുടര്‍ന്ന് വരുന്നുണ്ട്.
സ്റ്റിംഗ്' എന്നാല്‍ നിശ്ചിതസമയത്തേക്ക് ഭക്ഷണമോ മറ്റ് പാനീയങ്ങളോ കഴിക്കാതിരിക്കുന്ന രീതിയാണ്.'ഫാസ്റ്റിംഗ്' പല രീതികളിലുണ്ട്. മണിക്കൂറുകളേക്കോ, ദിവസങ്ങളിലേക്കോ എല്ലാം ഭക്ഷണപാനീയങ്ങള്‍ ഒഴിവാക്കാം. എന്തായാലും ഇങ്ങനെ ചെയ്യുന്നത് കൊണ്ട് വയറിന് യഥാര്‍ത്ഥത്തില്‍ ഗുണമുണ്ടോ ഇല്ലയോ എന്നതാണല്ലോ പ്രധാനം.

'ഫാസ്റ്റിംഗ്' കൊണ്ട് തീര്‍ച്ചയായും വയറിന് ഗുണമുണ്ട് എന്നാണ് ആരോഗ്യ വിദഗ്ധര്‍ ചൂണ്ടിക്കാട്ടുന്നത്.വയറ്റിനകത്തെ നല്ലയിനെ ബാക്ടീരിയകളുടെ സമൂഹത്തെ വര്‍ധിപ്പിക്കാന്‍ 'ഫാസ്റ്റിംഗ്' സഹായിക്കുന്നു. ഇത് വയറിന്റെ ആരോഗ്യം മെച്ചപ്പെടുത്തിനും ഏറെ സഹായകമാണ്. കുടല്‍ അടക്കമുള്ള ദഹനവ്യവസ്ഥയിലെ വ്യത്യസ്ത അവയവങ്ങളുടെ ആരോഗ്യം മെച്ചപ്പെടുത്തുന്നതിനും 'ഫാസ്റ്റിംഗ്' സഹായിക്കുന്നു. 'ഫാസ്റ്റിംഗ്' ചെയ്യുമ്പോള്‍ കുടലില്‍ നിന്ന് അനാവശ്യമായ പദാര്‍ത്ഥങ്ങള്‍ രക്തത്തിലൂടെ കലര്‍ന്ന് പുറത്തേക്ക് എന്നുവച്ചാല്‍ ശരീരത്തിന്റെ മറ്റ് ഭാഗങ്ങളിലേക്ക് എത്തുന്നത് തടയും. അതുപോലെ തന്നെ കുടലിന്റെ പ്രവര്‍ത്തനം ഫലപ്രദമായി നടക്കുന്നതിനും 'ഫാസ്റ്റിംഗ്' സഹായകമാണ്. മലബന്ധം പോലുള്ള പ്രശ്‌നങ്ങളില്‍ നിന്ന് ആശ്വാസം ലഭിക്കുന്നതിനും ഇത് സഹായിക്കുന്നു.

വയറിനെ ബാധിക്കുന്ന പല അസ്വസ്ഥതകളെ പ്രതിരോധിക്കുന്നതിനും 'ഫാസ്റ്റിംഗ്' സഹായകമാണ്. 'ഇറിറ്റബിള്‍ ബവല്‍ സിന്‍ഡ്രോം', 'സ്‌മോള്‍ ഇന്‍ഡസ്‌ടൈനല്‍ ബാക്ടീരിയല്‍ ഓവര്‍ഗ്രോത്ത്' എന്നിങ്ങനെയുള്ള പ്രശ്‌നങ്ങളെയെല്ലാം ചെറുക്കുന്നതിന് 'ഫാസ്റ്റിംഗ്' സഹായിക്കുന്നുണ്ട്. കൂടാതെ ശരീരത്തിന്റെ വെയ്റ്റ് ബാലന്‍സ് ചെയ്യാനും, വിശപ്പിനെ ക്രമീകരിക്കാനും മറ്റുമെല്ലാം ഫാസ്റ്റിങ് സഹായകരമാണെന്നാണ് വിദഗ്ധര്‍ ചൂണ്ടിക്കാട്ടുന്നത്.

Content Highlights:How Fasting Canand Cant Improve Gut Health