കൊച്ചി : ബില്‍ഡിംഗ് ആന്‍ഡ് റോഡ് വര്‍ക്കേഴ്‌സ് ഫെഡറേഷന്‍ ജില്ലാ കണ്‍വന്‍ഷന്‍ ജി ഓഡിറ്റോറിയത്തില്‍ നടന്നു. മുന്‍ മന്ത്രി കെ.ബാബു കണ്‍വന്‍ഷന്‍ ഉദ്ഘാടനം ചെയ്തു. ജില്ലാ പ്രസിഡന്റ് അഡ്വ.കെ എക്‌സ് സേവ്യര്‍ അദ്ധ്യക്ഷത വഹിച്ചു.
നിര്‍മ്മാണ തൊഴിലാളികളെ ഇ.എസ്.ഐ സ്‌കീമില്‍ ഉള്‍പ്പെടുത്തുന്നതിനും ക്ഷേമനിധി ബോര്‍ഡ് നല്‍കി വരുന്ന ആനുകൂല്യങ്ങള്‍ വര്‍ധിപ്പിക്കുന്നതിനും കേന്ദ്ര-സംസ്ഥാന സര്‍ക്കാരുകള്‍ തയാറാകണമെന്ന് മുന്‍ മന്ത്രി കെ.ബാബു ആവശ്യപ്പെട്ടു. കേരളത്തില്‍ തൊഴിലാളികള്‍ക്കും പാവങ്ങള്‍ക്കും സഹായകമാകുന്ന വിധത്തില്‍ രണ്ടു പെന്‍ഷനുകള്‍ക്ക് അര്‍ഹത നല്‍കിയ യു.ഡി.എഫ് സര്‍ക്കാരിന്റെ തീരുമാനം അട്ടിമറിക്കാനുള്ള ഇടതു സര്‍ക്കാര്‍ നീക്കം ഉപേക്ഷിക്കണമെന്നും കെ.ബാബു ആവശ്യപ്പെട്ടു. മുന്‍ എം.എല്‍.എ മാരായ ഡൊമിനിക് പ്രസന്റേഷന്‍, ലൂഡി ലൂയിസ് ഫെഡറേഷന്‍ നേതാക്കളായ ടി.വി പുരം രാജു, ഹെന്‍ട്രി ഓസ്റ്റിന്‍, വി.ജെ പൈലി, പി.ബി രവി, ടി.സി ജോര്‍ജ്ജ് സംസാരിച്ചു.